Jona 3:4 - MUMA MALER 2015

⁴ Jona nodonjo e dala, mowuotho kuom odiechieng’ achiel. Eka nogoyo milome kama: “Bang’ ndalo piero ang’wen, ibiro ketho Nineve!”

Motingʼo Loko Manyien

⁴ Chiengʼ mokwongo kane Jona osedonjo e dier dalano, nogoyo milome kowacho niya, “Odongʼ ndalo piero angʼwen kende to itieko Nineve duto.”

Jona 3:4 ပူးပေါင်းရင်းမြစ်များ

2 Ruodhi 20:1

E ndalogo, Hezekia ne tuo, kendo ohewore. Janabi Isaya wuod Amoz nobiro ire, mowachone niya, “Ruoth Nyasaye owachoni ni mondo ilam mwanduni ni yawuoti, nimar ibiro tho, ok nikwo.”

2 Ruodhi 20:6

Abiro medi ndalo moromo higni apar gabich, bende abiro resi kaachiel gi dala Jerusalem e lwet ruodh Asuria, kendo abiro rito dalani nikech nyinga, kendo nikech Daudi jatichna.’ ”

Isaya 30:18

To kata kamano, Ruoth Nyasaye pod dwaro ng’wononu, kendo ogombo ahinya mondo okechu, nimar en Nyasaye ma jaadiera. Mano kaka jogo duto mogeno kuome gin johawi!

Jeremia 42:10

‘Ka uyie dhi nyime gi dak e pinyni, to abiro gerou, kendo ok abi kethou. Bende abiro pidhou ka ng’ama pidho yien, kendo ok napudhu. Asebedo ka akuyo nikech masira mane akelo kuomu.

Jona 3:10

Nyasaye noneno gima ne gitimo, mokaka ne giweyo yoregi maricho. Omiyo nolokore, mi ok okelo masira kuomgi kaka nosesiemogi.

Mathayo 12:41

To Chieng’ Bura, jo-Nineve nochung’ mi donjnu, nikech kane Jona olandonigi Wach Nyasaye, to ne gilokore mi giweyo richogi, to awachonu ni koro nitie gimoro kaeri man gi duong’ moloyo Jona.

Luka 11:30

Kaka Jona nodoko ranyisi ni jo-Nineve, e kaka Wuod Dhano biro bedo ranyisi ni tieng’ ma kawuononi.

Luka 11:32

Chieng’ Bura, jo-Nineve bende nochung’, mi donj ni tieng’ ma kawuononi, nikech kane Jona olandonigi wach Nyasaye, to ne gilokore, mi giweyo richogi, to awachonu ni nitie gimoro kaeri man gi duong’ moloyo Jona.

Rapar mar Chik 18:22

Ka janabi owacho wach moro e nying Ruoth Nyasaye to bang’e wachno ok ochopo kare, mano nyiso ni ok en wach Ruoth Nyasaye, to osewuoyo mana gi tekone owuon. Omiyo kik umiye duong’.