Jona 2:8 - MUMA MALER 2015

⁸ Joma lamo nyiseche manono nyalo weyo gik ma gigeno kuomgi,

Motingʼo Loko Manyien

⁸ “Joma otwere kalamo nyiseche manono, jwangʼo ngʼwono mado bedo margi.

Jona 2:8 ပူးပေါင်းရင်းမြစ်များ

2 Ruodhi 17:15

Ne gichayo chikene gi singruokne mane otimo kod kweregi, kendo ne ok gidewo weche mane osiemogigo. Ne gilamo nyiseche manono, nyaka gin giwegi gidoko joma nono, nikech ne giluwo timbe mag ogendini mokiewo kodgi, mane Ruoth Nyasaye osekwerogi ni kik giluw.

Zaburi 142:4

Arango batha koni gi koni, to ok ane ng’ama nyalo rita, kendo onge ng’ama dewa!

Zaburi 31:6

Imon gi joma lamo nyiseche ma nono, an to ageno kuomi.

Zaburi 69:14

Resa, kik anyumra e chuodho, kendo rita kuom wasika, bende kik iwe pi matut tera.

Jeremia 10:8

Giduto gifuwo kendo gionge rieko, nikech giyudo riekogi manono mana kuom yien mopa!

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Jeremia 2:13

nikech joga osetimo richo tieng’ ariyo. Gisebaro, mi giweya, an soko mar pi maliw mamol, kendo gisekunyo yewni mabarore, ma ok nyal ting’o pi!

Mika 1:2

Winjuru un ogendini duto! Chikuru itu, un ji duto modak e piny! Ruoth Nyasaye nowuog e Hekalu maler, mondo onyis gik musetimo.

1 Samuel 12:21

Weuru lamo nyiseche manono, ma ok nyal konyo, kata ma ok nyal reso gimoro, nikech gin mana gik manono.