Jona 2:2 - MUMA MALER 2015

² “A Ruoth Nyasaye, ne aywakni ka an e masira, mi nidwoka. Naywak ka an e Piny Joma Otho mondo ikonya, mi niwinjo ywakna.

Motingʼo Loko Manyien

² Nowacho niya, “Ei masichena naluongo Jehova Nyasaye kendo nodwoka. Ei bur matut ne aywak mondo ikonya mane iwinjo ywakna.

Jona 2:2 ပူးပေါင်းရင်းမြစ်များ

2 Weche mag Ndalo 33:12

Koro kane en e thagruok, nohombo Ruoth Nyasaye ma Nyasache mondo ong’wonne.

Zaburi 116:3

Tho ne otueya gi tondene, kendo masiche mag liel nolwora. Parruok gi kihondko nomaka!

Zaburi 120:1

Kane an e chandruok, to ne aywak ni Ruoth Nyasaye, mi odwoka.

Zaburi 16:10

nikech ok niwe adhi e piny joma otho. Ee, ok nijwang’ jatichni mihero mondo odhi e bur,

Zaburi 22:24

nimar ok ojwang’ jochan, bende ok opand wang’e ni chandruokgi. Ok obolrenigi gi chien, to okonyogi ka gikwaye.

Zaburi 34:6

Joma ok nyal konyore kendgi ywakne mondo okony, kendo owinjogi. Ee, okonyogi e chandruok duto ma gin-go.

Zaburi 4:1

A Nyasaye ma jaritna, yie idwoka ka aluongi. Kane anie thagruok, to in ema ne ikonya. Koro chak ikecha, kendo iwinj ywakna!

Zaburi 61:2

Ka chunya chandore kuma bor gi dala, to aluongi. Ting’a malo, iketa ewi lwanda mohinga gi bor mondo aresra,

Zaburi 65:2

nikech in e Nyasaye mawinjo lemo mag ji. Ji duto biro biro iri nikech richogi.

Zaburi 86:13

nikech hera miherago lich, kendo nimar iseresa e bur matut mar tho.

Isaya 14:9

Piny joma otho otuk duto mondo oromni kidonjo kuno. Adier, joma ne osetho ochiew mondo oromni, koda ka mago, mane osebedo jotelo e piny ka. Ee, jogo duto mane osebedo ruodhi mag pinje a malo e kombegi.

Ywagruok 3:55

To ne aluongo nyingi, yaye Ruoth Nyasaye, kane anie bur matutno.

Ezekiel 26:20

Abiro teri e piny joma otho, mondo ibed gi joma notho chon. Anami idag e piny manie bwo lowono, kibudho e bur matut e kind gik machon mokethore, mi ok nichak iduog e piny joma ngima.

Ezekiel 31:14

Kuom mano onge yath moro kata bed ni oyudo pi mang’eny manade, ma nochak odong mabor mi wiye tund e polo kamano. Giduto nyaka githo mana kaka dhano tho, mi gidhi e Piny Joma Otho.”

Mathayo 12:40

Kaka Jona nobet ei rech mang’ongo kuom ndalo adek, odiechieng’ gotieno, e kaka Wuod Dhano bende nobed ei lowo kuom ndalo adek, odiechieng’ gotieno.

Luka 11:10

nikech ng’at mokwayo ema yudo, kendo ng’at madwaro ema nwang’o, bende ng’at modwong’o ema iyawone.

Luka 22:44

Chunye nochandore malit ahinya, mi nomedo lemo matek, kendo luya nochotne maton piny mana ka remo.]

Tich Joote 2:27

nimar ok inijwang’ chunya e Piny Joma Otho Adier, ok niwe mondo ringre Ng’ati Maler otow!

Jo-Hibrania 5:7

E ndalo mane Yesu odak e pinyni ka dhano, ne olemo, kendo osayo Nyasaye mane nyalo rese e tho, ka oywak malit, kendo pi wang’e chuer. Nyasaye nowinjo ywakne nikech dembruokne.

1 Samuel 1:16

Kik ikawa ka dhako machach. Ywagruok gi kuyo mogundho ema omiyo asewuoyo kamano kindeni duto.”

1 Samuel 30:6

Daudi nodhier nono, nikech joge ne wacho ni mondo ogoye gi kite, nimar chunygi ne lit ahinya, ka ng’ato ka ng’ato paro yawuote gi nyige. To kata kamano Daudi noyudo teko kuom Ruoth Nyasaye.