Jona 1:5 - MUMA MALER 2015

⁵ Kibaji nogoyo jokwang’, mi ng’ato ka ng’ato nolamo nyasache. Gik mane gin go e yie ne giwito e nam, mondo yie odong’ mayot. To sechego noyudo Jona oselor e yie piny, kendo oriere kuno ka nindo ogoye ngoga.

Motingʼo Loko Manyien

⁵ Jokwangʼ duto ne luoro omako mi ngʼato ka ngʼato kuomgi ne oywak ne nyasache owuon. Ne gidiro mwandu duto mane gin-go e nam mondo yie odongʼ mayot. To ne oyudo Jona oselor e ot ma piny mar yie, kuma ne oriere mi nindo okwanye mogoye ngoga.

Jona 1:5 ပူးပေါင်းရင်းမြစ်များ

1 Ruodhi 18:26

Omiyo ne gikawo rwath, mi giyang’o, kendo ne giluongo nying Baal, chakre okinyi nyaka odiechieng’, ka giwacho niya, “Baal, yie idwokwa!” To ne onge dwoko kata matin. To koro ne gichikore achika ka gilworo kendo-mar-liswa mane giseloso.

Ayub 2:4

To Satan nodwoko ni, “Dhano nyalo yie weyo gimoro amora ma en go mana ni mondo obed mangima.

Zaburi 107:25

Ne ogolo chik, ahiti maduong’ ochako kudho motago nam.

Zaburi 148:8

koda ka mach gi pe, kod pi malokore pe, kaachiel gi yamo madongo marito chikne.

Eklesiastes 3:6

kinde mar dwaro gimoro, gi kinde ma gimoro lalie, kinde mar rito gimoro, gi kinde mar wito gimoro,

Isaya 45:20

Chokreuru usud machiegni, un joma otony e ogendini. Mano kaka ufuwo, un joma ting’o nyiseche molos gi yien, kendo malamo nyasaye ma ok nyal reso ji.

Jeremia 2:28

Koro ere nyiseche gogo mane uloso? Ka un e chandruok, to mondo okonyu ane, ka ginyalo konyou! Un jo-Juda, un gi nyiseche mang’eny.

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.

Jona 1:14

Mogik ne giywak ni Ruoth Nyasaye, ka giwacho niya, “A Ruoth Nyasaye, yie kik iwe watho kuom nego ng’atni, kendo kik ikwanwa ka jonek kuom tho ng’at ma ok oketho, nimar gima osetimore en mana dwaroni.”

Jona 1:16

Bang’ mano jokwang’ noluoro Ruoth Nyasaye ahinya, mi ne gitimone misango, kendo gikuong’orene.

Jona 1:6

Jatend yie nopo konwang’o Jona kanyo, mopenje niya, “Ang’o momiyo inindo aninda? Chungi mondo iywag ni nyasachi, dipo ka owinjo moresowa.”

Mathayo 25:5

To wuon kisera noriwore, omiyo ne ginur giduto, mi nindo oterogi.

Mathayo 26:43

Ne ochako odwogo, monwang’o ka nindo ochako oterogi nikech wengegi ne pek.

Mathayo 26:45

Bang’e ne ochako odwogo ir jopuonjrene, mopenjogi niya, “Pod unindo aninda kuyueyo? Winjuru, sa koro chiegni mibiro chiwoe Wuod Dhano e lwet joricho.

Tich Joote 27:38

Kane ji duto osechiemo moyieng’, ne giwito cham mane yie oting’o e nam mondo gimi yie odok mayot.

Jong’ad Bura 16:19

Delila nohoyo Samson, mi Samson nonindo koteno wiye e chonge. Eka Delila noluongo ng’at moro molielo orimba yie wi Samson abiriyo. Bang’e Delila nochako tueyo Samson, mane oyudo tekone koro osea.

1 Samuel 24:3

Nochopo e abilni mag rombe man but yo, kama ne nitie rogo, kendo nodonjo e rogono mondo olosre. To Daudi gi joge noyudo osedonjo e rogono, mobet piny gi yo ka iye.