Jona 1:12 - MUMA MALER 2015

¹² Jona nodwokogi niya, “Kawauru ubola e nam, to bang’e nam biro bedonu mokue, nimar ang’eyo ni ahiti maduong’ni obironu mana nikech an.”

Motingʼo Loko Manyien

¹² Nodwokogi niya, “Kawauru ubola e nam, eka obiro kwe. Angʼeyo ni kethona emomiyo ahiti maduongʼni osebiro kuomu.”

Jona 1:12 ပူးပေါင်းရင်းမြစ်များ

2 Samuel 24:17

Kane Daudi oneno malaika mane nego ji, nowacho ni Ruoth Nyasaye niya, “An e jakwath moseketho, kendo an ema asetimo gima rach. To ere rach ma ogandani osetimo? Akwayi ni an ema mondo ikuma kod dhoodwa.”

1 Weche mag Ndalo 21:17

Daudi nowacho ni Nyasaye niya, “An ema nagolo chik mondo okwan ji, kendo an e jakwath mosebedo ka timo marach. Rombe machandoregi to otimo ang’o? A Ruoth Nyasaye ma Nyasacha, akwayi ni an ema mondo ikuma kod dhoodwa, to igeng’ tho malitni kik mak jogi.”

Ayub 35:8

Richoni hinyo mana ji weteni, kendo ber mitimo konyo mana gin.

Eklesiastes 9:18

Rieko ber moloyo gik lweny, to jaricho achiel nyalo ketho gik mabeyo mang’eny.

Jona 1:11

Koro nam ne medo tugore marach moloyo, omiyo jokwang’ nopenjo Jona niya, “Watimni ang’o, mondo nam okuenwa?”

Jona 1:13

To jogo nokiewo yie matek mondo gigow e dho nam, to ne ok ginyal, nimar nam nomedo tugore gi ahiti, motamogi.

Johana 11:50

Donge ber ka ng’at achiel otho, moloyo ka ogandawa duto orumo?”

Tich Joote 27:24

mi owacho niya, ‘Paulo, kik ibed maluor! Nyaka ichung’ e nyim Kaisar, kendo Nyasaye oseyie kuom ng’wonone ni joma kwang’ kodi duto ok bi tho.’

Joshua 7:12

Mano emomiyo ok ginyal siro wasikgi, to giringo nimar gin bende koro okwedgi. Ka ok giwang’o gimoro amora mokwer ma gisekawo, to ok anabed kodgi.