Johana 9:7 - MUMA MALER 2015

⁷ Eka nowachone ni, “Dhi ilwok wang’i e yawo mar Siloam.” (Tiend nying yawono en ‘Ote’.) Kuom mano ng’atno nodhi olwoko wang’e mi odwogo ka oneno.

Motingʼo Loko Manyien

⁷ Eka nowachone ngʼatno niya, “Dhiyo ilwok wangʼi e yawo mar Siloam” (tiende ni “Ote”). Omiyo ngʼatno nodhi moluoko wangʼe, kendo noduogo dala koneno.

Johana 9:7 ပူးပေါင်းရင်းမြစ်များ

Nehemia 3:15

Shalum Kol-hoze, jatend jo-Mizpa, nogero Ranga Soko, moketone tado, kendo orwako thikene gi radedi kod lodi mage. Bende nogero ohinga, chakre Yap Siloam, kama omanyore gi orundu mar ruoth, nyaka raidhi malor koa e Dala Daudi.

Zaburi 146:8

kendo omiyo muofni neno. Oting’o joma obolore malo, kendo ohero joma kare.

Wuok 4:11

Ruoth Nyasaye nowachone niya, “En ng’a ma chueyo dho dhano, kata en ng’a ma miyo dhano doko momo, kata ma ite odino? En ng’a mamiye wang’ mabith, kata loke muofu? Donge an Ruoth Nyasaye ema atimo gigi duto?

Isaya 32:3

Wenge joma neno onge gima nomon neno, bende it joma winjo nowinj awinja.

Isaya 35:5

Bang’e muofni nonen, kendo joma itgi odino nowinj wach.

Isaya 42:7

mondo iyaw wenge muofni kendo igol joma otue e mudho kuma gidakie.

Isaya 43:8

Keluru jogo. Gin joma nigi wenge, to ok nyal neno. Bende gin gi it, to ok ginyal winjo.

Isaya 8:6

“Ogandani osedagi wechena mamuol machalo pi Shiloa mamol mos gi kue,

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Luka 13:4

Koso uparo ni ji apar gaboro mane ohinga mar Siloam opodho kuomgi, mi onego kande, ne joketho moloyo jo-Jerusalem mamoko duto koso?

Luka 2:32

kendo ma biro kelo duong’ ni jogi Israel.”

Johana 10:36

Kane Nyasaye oluongo joma ne wachne obironigi ni, ‘Nyiseche’ kamano, koro ere gima omiyo uwacho ni apiem gi Nyasaye, ka awacho ni an Wuod Nyasaye? To an ema Nyasaye ne oyiera, mi oora e piny ka!

Johana 11:37

To moko kuomgi nowacho niya, “Jali noyawo wang’ muofu! Donge ne onyalo geng’o tho monego Lazaroni?”

Johana 9:11

Nodwokogi ni, “Ng’at moro ma nyinge Yesu noloso lowo mi owirogo wang’a, bende onyisa mondo adhi alwok wang’a e yawo mar Siloam. Omiyo ne adhi malwoko wang’a mi wang’a oyawore.”

Johana 9:39

Bang’ mano, Yesu nowacho ni, “Asebiro e piny mondo akel bura, mondo joma muofni onen, to joma neno odok muofni.”

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

Jo-Rumi 8:3

Gima Chik Musa ne ok nyal timo nikech nyawo mar dhano e gima Nyasaye notimo kane ooro Wuode e kido mar ringruok machal mana gi ringrewa matimo richo, mondo obed misango magolo richo. Kamano, kane en e ringruokno, nomiyo bura oloyo richo,

Jo-Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,