Johana 9:30 - MUMA MALER 2015

³⁰ Eka ng’atno nowacho niya, “Kara ma en wach miwuoro! Un uwacho ni ukia kuma oaye, to en ema oseyawo wang’a!

Motingʼo Loko Manyien

³⁰ Ngʼatno nodwokogi niya, “Mano en wach miwuoro! Ukia kuma oaye to en ema noyawo wengena?

Johana 9:30 ပူးပေါင်းရင်းမြစ်များ

Zaburi 119:18

Yaw wang’a mondo ane weche miwuoro manie chikni.

Isaya 29:14

Emomiyo anachak abwog jogi kendo, ka atimo gik malich ma miyo giwuoro. Rieko mar jogi mariek nolal nono, kendo paro matut mar jogi mang’ado rieko, norum.”

Isaya 29:18

Chieng’no, joma itgi odino nowinj wach, ka isomo kitabu, kendo joma wengegi osebedo kotimo mudho mandiwa, nonen.

Isaya 35:5

Bang’e muofni nonen, kendo joma itgi odino nowinj wach.

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Mathayo 21:42

Eka Yesu nopenjogi ni, “Pok usomo e Muma niya, ‘Kidi mane jogedo odagi, ema koro osedoko kidi motegno moriwo kor ot. Mano en tich Ruoth Nyasaye, kendo en gima lichnwa miwuoro’?

Mariko 6:6

To nowuoro ahinya kane oneno kaka gionge gi yie!

Luka 7:22

Eka nowacho ni jootego niya, “Doguru mondo unyis Johana gik ma useneno, kendo musewinjo. Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Johana 12:37

To kata obedo ni nosetimonigi honni mang’eny kamano, to ne ok giyie kuome.

Johana 3:10

To Yesu nodwoke kapenje ni, “Ere kaka inyalo bet japuonj e Israel, to ikia gik ma kamago?

Johana 9:29

Wang’eyo ni Nyasaye nowuoyo gi Musa. Ng’atni to wakia kuma oaye!”

Johana 9:31

Wang’eyo ni Nyasaye ok winj wach joricho, to ng’at moluore, kendo matimo gik ma odwaro, ema owinjo.

2 Jo-Korintho 4:6

Watimo kamano nimar Nyasaye achiel mane owacho ni mondo ler orieny e chunywa mondo okelnwa ler mar ng’eyo duong’ mar Nyasaye mineno e wang’ Yesu Kristo.