Johana 9:3 - MUMA MALER 2015

³ Yesu nodwokogi ni, “Jali ne ok onywol muofu nikech richone owuon, kata nikech richo mag jonywolne, to nonywole muofu mana ni mondo ji one teko mar Nyasaye kichange.

Motingʼo Loko Manyien

³ Yesu nodwokogi niya, “Ngʼatni kata jonywolne ne ok otimo richo, to ma notimore mondo teko mar Nyasaye onenre e changne.

Johana 9:3 ပူးပေါင်းရင်းမြစ်များ

Ayub 21:27

Ang’eyo parou, kendo ang’eyo gik maricho mudwaro hinyago.

Ayub 32:3

Mirima nomake bende gi osiepe Ayub adekgo, nimar dwoko Ayub malong’o notamogi, to mano ne miyo Nyasaye nenore ka jaketho.

Ayub 42:7

Bang’e kane twak Ruoth Nyasaye gi Ayub oserumo, Ruoth Nyasaye nowacho ni Elifaz niya, “Akecho kodi kaachiel gi osiepeni ariyo, nikech un ne ok uwacho adiera kuoma, kaka jatichna Ayub notimo.

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Johana 11:4

To kane Yesu owinjo wachno, nowacho ni, “Tuono ok en mar tho, to osebiro mana ni mondo Wuod Nyasaye bende oyud duong’.”

Johana 11:40

To Yesu nodwoke ni, “Donge nende awachoni ni ka in gi yie, to ibiro neno duong’ mar Nyasaye?”

Tich Joote 28:4

Kane joma odak e chulano oneno ka thuol omoko e lwet Paulo kamano, ne giwacho niya, “Nyaka bed ni jali osenego ng’ato, to kata obedo ni osetony mak otho e nam kamano, to Nyasachwa makare ok noweye okwo!”

Tich Joote 4:21

Kane jobura owinjo kamano, ne gimedo siemogi matek moloyo, to ne giweyogi gidhi. Ne ok ginyal nwang’o kaka digikumgi, nikech ji duto ne pako Nyasaye kuom gima ne otimoreno.

1 Johana 4:16

Wang’eyo hera ma Nyasaye oherowago, kendo wageno kuom herano. Nyasaye en hera kendo ng’at mosiko ei hera, osiko ei Nyasaye, kendo Nyasaye osiko e iye.

1 Johana 4:9

Nyasaye nyisowa hera moherowago kuom oro Wuode ma miderma e piny ni mondo wayud ngima kuome.