Johana 9:18 - MUMA MALER 2015

¹⁸ Jodong jo-Yahudi ne ok nyal yie ni ng’atno ne en muofu to koro oneno. Omiyo ne giluongo jonywolne,

Motingʼo Loko Manyien

¹⁸ To jo-Yahudi ne pod ok oyie ni ngʼatni nonywol ka en muofu, kendo ni wengene noseyawore, nyaka negioro wach mondo oluong jonywol ngʼatno.

Johana 9:18 ပူးပေါင်းရင်းမြစ်များ

Chakruok 19:14

Kuom mano Lut nodhi ir joma ne nywomo nyige, mowachonigi niya, “Ikreuru piyo mondo waa e dalani, nikech Ruoth Nyasaye biro kethe.” To ne giparo ni otugo.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 53:1

En ng’a moseyie wach mwalando? Koso ere ng’ama Ruoth Nyasaye osenyiso tekone?

Luka 16:31

Ibrahim to nokone niya, ‘Ka ok ginyal winjo weche Musa kod Jonabi, to ok giniwinj kata mana ng’at mochier oa kuom joma otho!’ ”

Johana 1:19

Jo-Yahudi man Jerusalem nooro jodolo gi jo-Lawi ir Johana, mopenje ni, “In ng’a?”

Johana 5:44

To ere kaka unyalo bedo gi yie, kuhero mondo ng’ato ka ng’ato oyud pak kuom wadgi, to ok utem mondo uyud pak moa kuom Nyasaye ma achiel kende.

Johana 9:19

mi gipenjo ni, “Ma en wuodu koso? Uwachoni nonywole ka en muofu adier? Ka kamano, to koro ere kaka oneno?”

Johana 9:22

Jonywolne nodwoko kamano nikech ne giluoro jodong jo-Yahudi. Ne oyudo jodong jo-Yahudi osewinjore kendgi ni ng’ato ang’ata moyie ni Yesu e Mesia, to nyaka tam mondo kik dhi e od lemo.

Jo-Hibrania 4:11

Emomiyo waketuru chunywa mondo wadonji e yueyono. Kik watamre yie kaka jogo notamore, nono to walal.