Johana 8:7 - MUMA MALER 2015

⁷ To kane jogo omedo penje wachno, noting’o wiye, modwokogi niya, “Ng’ato kuomu ma pok otimo richo ema mondo okwong ogoye gi kidi!”

Motingʼo Loko Manyien

⁷ Kane gimedo dhi nyime gipenje, noa malo mowachonegi niya, “Ngʼato kuomu mapok otimo richo ema okuong goye gi kidi.”

Johana 8:7 ပူးပေါင်းရင်းမြစ်များ

Ngeche 12:18

Weche mimwomruokgo chuoyo chuny mana ka ligangla. Weche mawuok e dho ng’ama kare to kelo ngima.

Jeremia 23:29

Wachna chalo gi mach kendo chalo gi nyundo ma baro lwanda matindotindo. An Ruoth Nyasaye ema awacho kamano.

Johana 7:46

To ne gidwoko niya, “Pok wanenoe ng’at mawuoyo ka ng’atni!”

Johana 8:10

Yesu noting’o wiye, mopenjo dhakono niya, “Nyarwa, ekegi? Onge kata achiel modong’ mondo ong’adni bura?”

Johana 8:8

Eka nochako olung’ore, mondiko e lowo.

Jo-Kolosai 4:6

Wecheu onego bed mang’won pile kendo man gi ndhadhu, kendo nyaka ung’e kaka udwoko ng’ato ka ng’ato.

Fweny 1:16

Ne en gi sulue abiriyo e lwete ma korachwich, kendo ligangla mabith ma dhoge abiriyo ne wuok e dhoge. Pat wang’e ne nenore ka wang’chieng’ mang’angni gi tekone duto.

Fweny 19:15

To ligangla mabith wuok e dhoge kendo ochwowogo ogendini. Obiro ritogi gi ludh nyinyo, kendo obiro ng’adonigi bura gi mirimb Nyasaye Manyalo Gik Moko Duto.

Fweny 2:16

Emomiyo lok chunyi! To ka ok ilokori, to abiro biro iri piyo, mi aked kodgi gi ligangla mawuok e dhoga!