Johana 8:56 - MUMA MALER 2015

⁵⁶ Kwaru Ibrahim ne mor koneno ndalona. Adier, nonene mobedo mamor.”

Motingʼo Loko Manyien

⁵⁶ Ibrahim kwaru ne mor koneno ndalona; adier, nonene mobedo mamor.”

Johana 8:56 ပူးပေါင်းရင်းမြစ်များ

Chakruok 22:18

kendo ogendini duto mae piny nokwaya mondo aguedhgi kaka aseguedho nyikwayi. Magi duto notimre nikech iserito chikna.”

Mathayo 13:17

Adier awachonu ni jonabi mang’eny nogombo neno gik ma koro unenogi, to ne ok ginyal neno, bende ne gigombo winjo gik ma uwinjogi, to ne ok ginyal winjo.”

Luka 10:24

Awachonu ni, jonabi kod ruodhi mang’eny ne jogombo neno gik ma koro unenogi, to ne ok ginyal neno, bende ne gigombo winjo gik ma uwinjogi, to ne ok ginyal winjo.”

Johana 10:25

Yesu nodwokogi ni, “Asenyisou, to utamoru yie. Gik ma atimo e nying Wuora ema wuoyonu kuoma.

Johana 8:37

Ang’eyo ni un koth Ibrahim, kata kamano udwaro nega nikech puonjna ok nyal donjonu.

Johana 8:39

Ne gidwoke niya, “Ibrahim e wuonwa.” To Yesu nowachonigi ni, “Ka dabed ni un nyithind Ibrahim adier, to dikoro utimo mana gik machal gi gik mane Ibrahim otimo.

Jo-Hibrania 11:13

Jogo duto notho ka nigi yie. Ne ok ginwang’o gik mane Nyasaye osingorenigi ni nomigi, to ne ginenogi gi kuma bor, mi giyie ni gin gik mantie adier. Ne gihulo ratiro ni gin mana welo gi jowuoth e piny ka.

Jo-Hibrania 11:39

Jogo duto Nyasaye ne oyiego nikech yie mane gin-go, to kata kamano ne ok ginwang’o gik mane Nyasaye osesingore ni nomigi nikech nosechano gima ber moloyo, koparowa, tiende ni ne ok odwar miyo gidoko joma kare mak mana ka wan kaachiel kodgi.