Johana 8:41 - MUMA MALER 2015

⁴¹ Un to utimo mana gima wuonu timo.” To ne gidwoke ni, “Wan ok wan kimirwa! Wan gi wuonwa achiel kende ma en Nyasaye.”

Motingʼo Loko Manyien

⁴¹ Un timbe wuonu ema utimo.” Ne gikone ka gikwere niya, “Wan ok wan kimirwa. Wuoro ma wan-go en Nyasaye owuon.”

Johana 8:41 ပူးပေါင်းရင်းမြစ်များ

Wuok 4:22

To nyaka inyise ni Ruoth Nyasaye owacho kama: ‘Israel en wuoda makayo.

Isaya 63:16

In e wuonwa, omiyo kik idagi konyowa. Kata obedo ni Ibrahim ok ong’eyowa, kendo Israel ok oyie ni wan joge, to in Ruoth Nyasaye, in e wuonwa, kendo in e jawarwa nyaka nene.

Isaya 64:8

To kata kamano, A Ruoth Nyasaye in e wuonwa. Wan lop chuech, to in e jachwechwa, kendo wan duto wan tich lweti.

Jeremia 3:19

“Un jo-Israel aseyie kawou ka yawuota, mondo amiu piny maberie moloyo pinje mamoko duto. Ne aparo ni ubiro luonga ni wuonu, kendo ok nuchak uweya.

Jeremia 31:20

To an Ruoth Nyasaye awacho kama: In Israel in e wuoda mahero moloyo. E sa asaya ma aluongoe nyingi, to apari gi hera. Chunya oheri, omiyo abiro kechi.

Hosea 1:2

Kane Ruoth Nyasaye okwongo miyo Hosea owuoyo ni jo-Israel, ne owachone niya, “Jopinyni oseweya, molamo nyiseche mamoko, mana ka dhako moweyo chwore mondo odwanyre gi chwo mamoko.

Malaki 1:6

Ruoth Nyasaye Manyalo Gik Moko Duto owacho ni jodolo niya, “Wuowi nyaka mi wuon luor, kendo jatich bende nyaka luor ng’at ma otiyone. To an dak umiya duong’, to an wuonu? Koso dak umiya luor, to an ema utiyona? Usejara, to eka upenja ni, ‘Ere kaka wasejari?’

Malaki 2:11

Jo-Juda oseketho singruok mane gitimo ni Nyasaye, kendo gisetimo gik maricho e Israel kendo e Jerusalem. Gisedwanyo Kama Ler mar Ruoth Nyasaye mohero, kendo gisekendo mon malamo nyiseche mamoko.

Johana 8:38

An awachonu gik ma aseneno kuom Wuora, to un utimo gik ma useneno kuom wuoru!”

Johana 8:44

Un nyithind wuonu ma en Satan, kendo uhero timo gik ma en ema odwaro. Nyaka a chakruok en osebedo mana janek, kendo ok odwar adiera nikech adiera onge e iye. Ka owacho miriambo, to oluwo mana kite owuon, nikech en jamriambo, kendo en e wuon miriambo duto.

Rapar mar Chik 14:1

“Un e nyithind Ruoth Nyasaye ma Nyasachu, omiyo kik usar dendu kata kik uliel nyiem wengeu kuywago ng’at motho,

Rapar mar Chik 32:6

Yaye, oganda mofuwo ma onge gi rieko, mano e kaka utimo ni Ruoth Nyasaye adier? Donge en e wuoru mane ochueyou? Donge en ema omiyou doko oganda maratego?

1 Johana 3:12

Kik wachal gi Kain, mane odoko nyathi Ng’ama Rach, mi onego owadgi. To ere gimomiyo Kain nonego owadgi? Donge nonege nikech timbene ne richo en owuon, to timbe owadgi ne kare?