Johana 8:37 - MUMA MALER 2015

³⁷ Ang’eyo ni un koth Ibrahim, kata kamano udwaro nega nikech puonjna ok nyal donjonu.

Motingʼo Loko Manyien

³⁷ Angʼeyo ni un koth Ibrahim, kata kamano udwaro nega, nikech udagi miyo Wachna thuolo e chunyu.

Johana 8:37 ပူးပေါင်းရင်းမြစ်များ

Mathayo 13:15

nimar chuny ogandani osedoko mapek, kendo gisedino itgi, bende giseumo wang’gi. To ka da ni ok kamano, to dikoro gineno, kendo dikoro itgi winjo wach, bende dikoro wach donjonigi, mi gilokre, giduog ira, kendo achanggi.’

Mathayo 3:9

To bende kik chunyu wuondu ka uparo ni ubiro tony nikech un nyikwa Ibrahim, nikech awachonu adier ni Nyasaye nyalo kawo kitegi, mi lok nyikwa Ibrahim!

Johana 10:31

Kane jo-Yahudi owinjo wachno, ne gichako gikwanyo kite kendo mondo gigogo Yesu.

Johana 11:53

Chakre chieng’no ne gichako chano kaka digineg Yesu.

Johana 5:44

To ere kaka unyalo bedo gi yie, kuhero mondo ng’ato ka ng’ato oyud pak kuom wadgi, to ok utem mondo uyud pak moa kuom Nyasaye ma achiel kende.

Johana 7:1

Bang’ mano, Yesu nowuotho koni gi koni ka puonjo e piny Galili. Ne ok odwa dhi Judea nikech jodong jo-Yahudi ne dwaro nege.

Johana 7:19

Donge Musa nomiyou Chik, to onge kata ng’at achiel kuomu morito? Ka ok kamano, to ang’o momiyo udwaro nega?”

Johana 7:25

Jo-Jerusalem moko nopenjore niya, “Donge ma e jal ma gidwaro nego cha?

Johana 8:33

To ne giwachone niya, “Wan koth Ibrahim, kendo pok wabedo wasumb ng’ato nyaka nene. Koro ere gima omiyo iwacho ni wanabed thuolo?”

Johana 8:43

Gik ma awacho ok nyal donjonu, kendo ok unyal winjo tiendgi nikech ok uhero wach ma akelonu.

Johana 8:56

Kwaru Ibrahim ne mor koneno ndalona. Adier, nonene mobedo mamor.”

Johana 8:59

Kane giwinjo kamano, ne gikwanyo kite mondo gigoyego, to nopondo, mi owuok e Hekalu.

Johana 8:6

Ne giwacho kamano nikech ne gidwaro wach moro ma digidonjne go. To Yesu nolung’ore piny, mondiko e lowo gi lith lwete.

Tich Joote 13:26

“Un jowetena ma nyikwa Ibrahim, kaachiel gi ji mamoko moluoro Nyasaye, wan ema osekelnwa wach warruokni,

Jo-Rumi 9:7

To bende nyikwa Ibrahim duto ok gin nyithind Nyasaye, nimar Nyasaye nowacho ni Ibrahim niya, “Joka Isaka kende ema noluong ni nyikwai.”

1 Jo-Korintho 2:14

To ng’at maonge gi Roho ok nyal yie weche ma Roho mar Nyasaye nyise. Adier, ok onyal winjo tiendgi maber, nikech ginenore ka gik mofuwo, nimar inyalo nonogi mana gi teko mar Roho.

1 Johana 2:14

Un nyithinda, asendikonu nikech ung’eyo Wuoro. Un wuone, asendikonu nikech ung’eyo Jal ma osebetie nyaka a chakruok. To un yawuowi asendikonu nikech utegno, kendo Wach Nyasaye odak e iu, kendo useloyo Ng’ama Rach.