Johana 8:32 - MUMA MALER 2015

³² Bende ubiro ng’eyo adiera, kendo adiera nomi ubed thuolo.”

Motingʼo Loko Manyien

³² Kutimo kamano, to ubiro ngʼeyo adiera kendo adiera nomi ubed thuolo.”

Johana 8:32 ပူးပေါင်းရင်းမြစ်များ

Zaburi 119:45

Anadag gi thuolo, nikech asetemo rito chikeni,

Zaburi 25:5

Puonja kendo keta e yoreni makare, nikech in e Jawarna. Ageno kuomi pile odiechieng’ duto.

Ngeche 1:23

Chikuru itu ka akwerou gimoro. Abiro ng’adonu rieko, kendo abiro puonjou wechena,

Ngeche 1:29

Pile ne ok udwar rieko, kendo ne utamoru luoro Ruoth Nyasaye.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Isaya 2:3

ka giwacho niya, ‘Wadhiuru god Ruoth Nyasaye. Enopuonjwa yorene kendo wanaluwgi.’ Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Isaya 35:8

Wang’yo maduong’ nobed e thimno, kendo noluonge ni, ‘Wang’yo Maler’ Joma ok ler gi joma ofuwo ok nowuothie.

Isaya 54:13

Ruoth Nyasaye ema nopuonj joma geri duto, kendo nyithindi nodhi nyime maber ahinya.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Jeremia 6:16

Ruoth Nyasaye wacho ni joge niya, “Chung’uru e akek yo, mondo urang wang’yore machon, kupenjo kuma yo maber nitie. Wuothuru e wang’yorno, mi unuyud kue.” To gidwoko niya, “Ok wanawuothi e wang’yorno.”

Hosea 6:3

Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Tim jo-Lawi 25:41

eka nowe tiyoni, mi nodog gi nyithinde kuom joodgi kendo e lop kwerene.

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Mathayo 11:29

Rwakuru lodi ma amiyou e ng’utu, kendo puonjreuru kuoma, nikech chunya muol kendo dembore.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 1:17

nikech kata obedo ni Musa ema nokelonwa Chik, to Yesu Kristo ema nokelonwa ng’wono gi adiera.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 16:13

To ka Roho mar adiera osebiro, to enopuonju adiera duto. Ok enowach mana wachne owuon, to enowach mana gima owinjo, kendo enonyisu tiend gik mabiro timore.

Johana 17:17

Walgi gichiwreni kuom adiera. Wachni en adiera.

Johana 6:45

Ondik e Kitap jonabi ni, ‘Nyasaye nopuonj ji duto.’ Omiyo ng’ato ka ng’ato ma owinjo dwond Wuoro mi opuonjore kuome, to biro mana ira.

Johana 7:17

Ng’at moyie timo gima Nyasaye dwaro, to biro ng’eyo kata ka weche ma apuonjo oa ka Nyasaye, kata ka apuonjo mana wechena awuon.

Johana 8:36

Kuom mano, ka Wuowi ema omiyo ubedo thuolo, to unubed thuolo chutho chutho.

Jo-Rumi 6:22

To koro osegonyu e tuech richo, mi udoko wasumb Nyasaye, omiyo ohala muyudo en ngima maler, kendo gikone en ngima ma nyaka chieng’.

Jo-Rumi 8:15

To Roho ma useyudo ok loku wasumbini mondo uchak ubed maluor. Ooyo, Rohono lokowa nyithind Nyasaye, omiyo ng’ato ka ng’ato kuomwa ywak ni Nyasaye, ka luonge ni, “Baba! Wuora!”

Jo-Rumi 8:2

nikech ka ng’ato ni kuom Kristo, to chik mar Roho makelo ngima osegonye kuom chik makelo richo kod tho.

1 Jo-Korintho 7:22

Ng’ama Ruoth oluongo ka misumba en ng’at Ruoth, ma osemiyo thuolo. Kamano bende e kaka ng’at ma Kristo oluongo ka ni thuolo en misumba Kristo.

Jo-Galatia 5:1

Kristo nogonyowa mondo wabed joma ni thuolo. Omiyo chung’uru motegno, mondo kik uyie chak rwak ng’utu e jok mar bedo misumba kendo.

Jo-Galatia 5:13

To un owetena, noluongu mondo ubed thuolo, to kik uwe mondo thuolo ma un-gono mi utim gimoro amora mudwaro, to ng’ato ka ng’ato kuomu mondo okony wadgi kuom hera,

2 Timotheo 3:7

Gin mon matemo puonjore pile, to ok nyal ng’eyo adiera chuth.

Jakobo 1:25

To ng’at mang’iyo chik makare mamiyo wabedo thuolo, kendo mosiko ka timo kamano, bende ma ok winj wach mi wiye wilgo to tiyo gi wachno, e ng’at ma oguedhi e gimoro amora motimo.

Jakobo 2:12

Omiyo, wecheu gi timbeu mondo obed machal gi weche kod timbe mag joma ibiro ng’adonigi bura kaluore gi Chik ma miyo ji bedo thuolo.

1 Petro 2:16

Beduru joma ni thuolo, to kik ulok thuolo ma un-go bed gima uumogo richou, to beduru wasumb Nyasaye.

2 Johana 1:1

An jaduong’, andikoni in Minwa ma Nyasaye oyiero, kendo andiko ni nyithindi ma ahero adier. Ok an kenda ema aheri to ji duto moseng’eyo adiera bende oheri,