Johana 8:31 - MUMA MALER 2015

³¹ Yesu nowachoni jo-Yahudi mane oyie wachne niya, “Ka umako puonjna, to eka un jopuonjrena adier.

Motingʼo Loko Manyien

³¹ Yesu nowacho ni jo-Yahudi manoyie kuome niya, “Ka usiko kumako puonjna, eka un jopuonjrena adier.

Johana 8:31 ပူးပေါင်းရင်းမြစ်များ

Mathayo 24:13

To nga’ma otimo kinda nyaka giko ema nokwo.

Johana 1:47

Kane Yesu oneno Nathaniel kabiro ire, nowacho ni, “Neuru! Ja-Israel hie e cha biro. En ng’ama kare, ma onge miganga.”

Johana 2:2

kendo Yesu bende noluongi e kiserano gi jopuonjrene.

Johana 6:55

Ringra e chiemo madieri, kendo remba e math adieri.

Johana 8:36

Kuom mano, ka Wuowi ema omiyo ubedo thuolo, to unubed thuolo chutho chutho.

Tich Joote 13:43

Bang’ chokruokno, jo-Yahudi mang’eny kod jomoko mathoth moluoro Nyasaye mane oselokore luwo kit lemo mar jo-Yahudi, nodhi gi Paulo gi Barnaba. Ji ariyogo nopuonjogi, kajiwogi mondo gisik mana kuom ng’wono mar Nyasaye.

Tich Joote 14:22

Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

Tich Joote 26:22

To Nyasaye nokonya, omiyo nyaka chil kawuono asebedo ka achung’ kendo ka anyiso ji duto, madongo gi matindo, weche ma aseneno. Gima awacho en mana gima Jonabi kod Musa ne jowacho ni notimre.

Jo-Rumi 11:22

Neuru ni Nyasaye ng’won kendo ger. Oger ni joma oselal, to ong’won ni un, to mana kusiko kuyie ng’wonone. Ka ok utimo kamano to un bende ibiro ng’adou oko.

Jo-Rumi 2:7

Joma osiko katimo maber, kendo dwaro pak gi duong’ moa kuom Nyasaye, kod ngima ma ok rum, nomi ngima ma nyaka chieng’.

Jo-Kolosai 1:23

To nyaka usik e yie ma un-gono ka uchung’ motegno e mise, ma ok uyiengni uweyo geno mane ubedogo kane uwinjo Injili. En e Wach Maber ma oselandi ni chuech duto e piny ngima, kendo an Paulo ne oketa mondo abed jatich wach maberno.

1 Timotheo 2:15

To kata kamano, dhako noyud resruok e yor nywolo nyithindo, ka osiko e yie gi hera gi puodhruok kod ritruok.

1 Timotheo 4:16

Tim kinda e wechego, kiritori iwuon, kendo kitimo gik mipuonjo. Kitimo kamano to iniresri iwuon, kendo nires joma winjo weche mipuonjo bende.

2 Timotheo 3:14

To in nyaka isik kirito weche misepuonjori, kendo ming’eyo ni adier, king’eyo ni joma ne opuonji gin ng’a gini.

Jo-Hibrania 3:14

nimar ka wamako geno mane wachakogo nyaka giko matek, to wanabed jocham gikeni kaachiel gi Kristo.

Jo-Hibrania 8:9

Ok nochal gi singruok mane atimo gi kweregi, kane atayogi, kagologi e piny Misri, nimar ne ok girito singruok mane atimo kodgino, mi an bende ne ajwang’ogi’

Jakobo 1:25

To ng’at mang’iyo chik makare mamiyo wabedo thuolo, kendo mosiko ka timo kamano, bende ma ok winj wach mi wiye wilgo to tiyo gi wachno, e ng’at ma oguedhi e gimoro amora motimo.

1 Johana 2:19

Ne giweyowa nikech ne ok gin jowa, to ka dine gibed jowa, to dine gisiko kodwa. To ne giweyowa mondo ong’ere malong’o ni giduto ok gin jowa.

1 Johana 2:24

Un to neuru ni wach musewinjo nyaka a chakruok osiko e chunyu. Ka gima nuwinjo nyaka a chakruokno osiko e chunyu, to pile unusik ka unie achiel gi Wuowi kod Wuoro.

2 Johana 1:9

Ng’at makalo tong’, kendo ok sik e puonj Kristo ok nigi Nyasaye. To ng’at mosiko e puonj Kristo nigi Wuoro, kaachiel gi Wuowi.

1 Samuel 12:14

Ka unuluor Ruoth Nyasaye, mi utine, kendo uwinj dwonde, ma ok udagi chikene, kendo ka un kaachiel gi ruodhu unuluw Ruoth Nyasaye ma Nyasachu, to mano nokonyu