Johana 8:28 - MUMA MALER 2015

²⁸ Omiyo Yesu nowachonigi niya, “Ka useting’o Wuod Dhano malo, eka unung’e ni an e En. Bende unung’e ni onge gima atimo gi tekona awuon, to weche duto ma awacho, Wuora ema osepuonja.

Motingʼo Loko Manyien

²⁸ Omiyo Yesu nowachonegi niya, “Bangʼ ka useguro Wuod Dhano eka unungʼe ni an ngʼama asebedo ka anyisou ni an, kendo ni onge gima atimo kenda, to awacho mana gik ma Wuora opuonja.

Johana 8:28 ပူးပေါင်းရင်းမြစ်များ

Wuok 3:14

Nyasaye nowacho ni Musa niya, “AN MANTIE e nyinga.” Eka nomedo wacho niya, “Ma e gima mondo iwach ni jo-Israel: ‘AN MANTIE oseora iru.’ ”

Mathayo 24:5

nikech ji mang’eny nobi gi nyinga, kawacho ni, ‘An e Mesia,’ mi ginimi ji mathoth lal.

Mariko 13:6

Ji mang’eny nobi gi nyinga, ka wacho ni, ‘An e en’ mi ginimi ji mathoth lal.

Luka 21:8

Yesu nodwokogi niya, “Beduru motang’, mondo kik wuondu, nikech ji mang’eny nobi gi nyinga, kawacho ni, ‘An e en,’ kendo ni, ‘Ndalo chiegni.’ To kik uluwgi!

Johana 11:42

An ang’eyo ni iwinja ndalo duto, to asewacho wechegi mondo oganda mochung’ ka ong’e ni in ema niora.”

Johana 13:19

Koro anyisou wachno kapok otimore, mondo ka otimore to uyie ni an e En

Johana 16:10

Bende ka adok ir Wuora mi ok uchako unena, to mano nonyisgi ni an ng’at makare.

Johana 18:32

Mano notimore mondo weche mane Yesu osewacho kokoro kit thone, ochopi.

Johana 19:18

Kanyo ema ne giguree, kaachiel gi ji ariyo mamoko. Yesu ema ne ogur diere, ka ng’at achiel nie bathe konchiel to moro komachielo.

Johana 3:11

Awachoni adier ni wawacho gik ma wang’eyo, kendo wanyiso ji gik ma waseneno, to onge ng’ato kuomu moyie ni gik mwawacho gin adier.

Johana 3:14

“Kaka ne Musa ochungo thuond mula e thim, e kaka ibiro chungo Wuod Dhano bende,

Johana 4:26

To Yesu nodwoke ni, “An mawuoyo kodini e En!”

Johana 5:19

To Yesu nodwokogi niya, “Adier, adier awachonu ni, Wuowi ok nyal timo gimoro kende owuon, to otimo mana gima oneno ka Wuoro timo, nikech gima Wuoro timo, ema Wuowi bende timo.

Johana 5:30

“An ok anyal timo gimoro gi tekona awuon. Ang’ado bura mana kaka Nyasaye onyisa, kendo bura mang’ado en bura makare, nikech ok adwar timo gima an ema adwaro, to atimo mana gima Jal mane oora dwaro.

Johana 6:38

nikech ok aselor aa e polo mondo atim gik ma Jal mane oora dwaro.

Johana 8:24

Mano emomiyo awachonu ni unutho e richou, nikech ka udagi yie ni an e En, to adier unutho mana e richou.”

Johana 8:27

To ne ok ging’eyo ni Yesu loso kodgi kuom Wuoro.

Johana 8:58

To Yesu nodwokogi ni, “Adier, adier, awachonu ni, kane pok onywol Ibrahim to ne antie.”

Tich Joote 2:41

Kamano, joma ne oyie gi wachne ne obatisi, mi chieng’no ji alufu adek nomedre e kanyakla margi.

Tich Joote 4:4

To joma thoth kuom ji mane owinjo wach Petro gi Johana noyie, kendo kar romb joma chwo duto moyie koro ne dirom alufu abich.

Jo-Rumi 1:4

to korka tich Roho Maler, to ne onyis ratiro ni en Wuod Nyasaye, nikech teko mane ochierego koa kuom joma otho.

Rapar mar Chik 18:18

Abiro yieronigi janabi kaka in, kuom ogandagi giwegi. Abiro keto wechena e dhoge, kendo enowachnigi weche duto ma achike.