Johana 8:21 - MUMA MALER 2015

²¹ Yesu nowachonigi niya, “An to adhi, kendo unudwara, to unutho mana e richou. Ok unyal dhi kuma adhiye.”

Motingʼo Loko Manyien

²¹ Yesu nowachonegi kendo niya, “Abiro dhi aweyou, kendo ubiro manya, to unutho mana e richou. Kuma adhiye ok unyal bire.”

Johana 8:21 ပူးပေါင်းရင်းမြစ်များ

1 Ruodhi 18:10

Akuong’ora gi nying Ruoth Nyasaye ma Nyasachi ni onge oganda kata piny moro ma ruodha pok ooroe ji mondo odwari. To kane jopinjego okwer ni ionge kuno, to nyaka ne gikuong’re ni gikia kuma intie.

Ayub 20:11

Dende pod ber, kendo chwe, to piyopiyo nono obiro lokore buru.

Ngeche 11:7

Ka jaricho otho, to genone duto tho kode, kendo geno ma ogenogo mwandune ok kony gimoro.

Ngeche 14:32

Timbe mamono mag joricho ema miyo orumo. Ng’at makare to yudo resruok kuom timne malong’o.

Isaya 65:20

kendo ok nobedie nyathi matho kapod yom, kata ng’at maduong’ matho kapok ndalone orumo. Bende ka ng’ato otho ka hike mia achiel, to nokwane ka ng’ama otho kapod tin. Joricho mokwong’ kende ema notho ka pok hikgi oromo mia achiel.

Mathayo 23:39

Awachonu ni, chakre kawuono ok unuchak unena kendo, nyaka kinde chopi ma unuwachie ni, ‘Oguedh ng’ama biro e nying Ruoth.’ ”

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Mathayo 25:46

Eka Yesu notieko, ka wacho niya, “Jogi noter e kum mochwere, to joma kare nodhi e ngima mosiko.”

Johana 12:33

Nowuoyo kamano konyisogo kit tho mane obiro thogo.

Johana 12:35

To Yesu nodwokogi ni, “Pod odong’ kinde matin ma abiro betgo e kindu, ka amiyou ler. Wuothuru kapod un gi ler, mondo mudho kik juku. Ng’at mawuotho e mudho kia kuma dhiye.

Johana 13:33

Nyithinda, pod an kodu kuom kinde matin kende. Bang’e unudwara, to anyisou, mana kaka ne anyiso jo-Yahudi, ni kuma adhiye ok unyal biroe.

Johana 7:34

Unumanya, to ok unuyuda, nikech kama abiro betie ok unyal biroe.”

Johana 7:36

Ere tiend wach mowachoni, wanamanye to ok wanayude, kendo ni, kuma obiro betie wan ok wanyal dhiye?”

Johana 8:24

Mano emomiyo awachonu ni unutho e richou, nikech ka udagi yie ni an e En, to adier unutho mana e richou.”

Jo-Efeso 2:1

Chon ne un joma otho nikech kethou kod richou.