Johana 8:11 - MUMA MALER 2015

¹¹ Dhakono nodwoke ni, “Ooyo, Jaduong’ onge ng’ato modong’.” Eka Yesu nokone ni, “Kata an bende ok ang’adni bura. Dhiyo, to kik ichak itim richo kendo.”]

Motingʼo Loko Manyien

¹¹ Nowacho niya, “Jaduongʼ, onge ngʼat modongʼ.” Yesu nokone niya, “Kata an bende ok angʼadni bura. Wuogi idhi, to kik ichak itim richo kendo.”]

Johana 8:11 ပူးပေါင်းရင်းမြစ်များ

Ayub 34:31

Koro in Ayub, bende isehulo ni Nyasaye richoni, mi ikuong’ori ni ok nichak itim richo kendo?

Ngeche 28:13

Ng’at ma temo pando richone ok nyal dhi maber, to ng’ama hulo richone kendo weyo ema Nyasaye kecho.

Isaya 55:6

Dwaruru Ruoth Nyasaye kapod kinde nitie minyalo yudego. Adier, ywagneuru ka pod en machiegni.

Luka 13:3

Ooyo, awachonu ni ka ok ulokoru uweyo richou, to uduto ubiro tho mana kaka ne githono!

Luka 13:5

Ooyo, anyisou ni ka ok ulokoru uweyo richou, to uduto ubiro tho mana kaka ne githono!”

Luka 15:10

Akonu ni, kamano bende e kaka malaika mag Nyasaye bedo mamor kuom jaricho achiel molokore.”

Luka 15:32

To owinjore wachiem kendo wabed mamor, nikech owaduni yandi otho, to koro ongima, kendo yande olal, to koro onwang’e.’ ”

Luka 15:7

“Koro akonu ni, kamano bende e kaka mor nobedi e polo kuom jaricho achiel molokore, moloyo mor ma nobed kuom ji piero ochiko gochiko mabeyo, maparo ni ok onego lokre.

Luka 5:32

Ok asebiro mondo aluong joma kare, to asebiro mana ni mondo aluong joricho olokre.”

Luka 9:56

eka ne gidhi e dala machielo.

Johana 18:36

Yesu dodwoke ni, “Lochna ok en mar pinyni. Ka da ni en mar pinyni, to joga dokedo mondo kik keta e lwet jo-Yahudi. Ooyo, lochna ok mar pinyni.”

Johana 3:17

Nyasaye ne ok ooro Wuowi ni obi e piny mondo ong’ad ni piny bura, to noore ni mondo piny onwang’ warruok kuome.

Johana 5:14

Bang’e Yesu noyudo ng’atno e Hekalu, mowachone niya, “Winji! Kaka koro osechangi, koro we timo richo, nono to dipo ka gimoro marach moloyo otimi.”

Johana 8:15

Un ung’ado bura gi rieko mar dhano, to an ok ang’ad ni ng’ato bura.

Jo-Rumi 2:4

Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

1 Jo-Korintho 5:12

Ok en tichna mondo ang’ad bura ni joma oko, to Nyasaye ema nong’adnigi bura. Donge un onego ung’ad bura mana ni joma nie kanyaklau?

Rapar mar Chik 16:18

“Unuyier jang’ad bura kod jotend dhoutu e mier duto ma Ruoth Nyasaye ma Nyasachu biro miyou, kendo nyaka ging’ad ni ji bura kare.

Rapar mar Chik 17:9

Unudhi ir jodolo ma jo-Lawi man kuno, kendo ir jang’ad bura muyudo ka nie tich kuno, mondo unyisgi wachno, kendo gin ema gining’ad bura.

2 Petro 3:15

Parieuru kaka Ruodhwa hore mos, komiyou thuolo mondo uyud warruok. Mano e gima owadwa Paulo mwahero nondikonu gi rieko mane Nyasaye omiye.