Johana 7:7 - MUMA MALER 2015

⁷ Un piny ok nyal mon kodu to an omon koda nikech kinde duto asiko kanyise ni timbene richo.

Motingʼo Loko Manyien

⁷ Piny ok nyal chayou, to an to piny ochaya nikech ahulo ni gik motimo richo.

Johana 7:7 ပူးပေါင်းရင်းမြစ်များ

1 Ruodhi 21:20

Ahab nowacho ni Elija niya, “Yaye, jasika, kara isenwang’a?” Nodwoke ni “Ee, asenwang’i, nikech isechiwori mar timo gik ma Ruoth Nyasaye okwero.

1 Ruodhi 22:8

Ruodh Israel nodwoke ni, “Ee, ng’at achiel pod odong’ ma dipenjnwa Ruoth Nyasaye wach, en Mikaya wuod Imla.” To Jehoshafat nowachone ni, “Kik iwuo kamano.”

Zaburi 109:5

Gichula richo kar ber, kendo sin kar hera ma aherogigo.

Ngeche 15:12

Ng’at ma jasunga ok dwar mondo okwer, omiyo ok odhi ir joma riek mondo ong’adne rieko.

Ngeche 8:36

To ng’at ma ok oyuda, hinyore owuon. Chutho, ng’at ma mon koda, ohero mana tho!”

Isaya 29:21

Gin jogo ma ketho nying ji, kendo ma buto mondo ohiny jong’ad bura, bende gimiyo buch ng’at makare iketho kayiem nono.

Isaya 49:7

Ruoth Nyasaye ma Ng’ama Ler, kendo ma Jawar Israel, wacho ni ng’at ma ji charo, ma ogendini nyono gi tiendgi, kendo ma misumba jotend piny, niya “Ruodhi nochung’ni, ka ikadho. Bende jodongo nokulreni piny nikech Ruoth Nyasaye. En Ruoth Nyasaye ma Ng’ama Ler mar Israel ma oseyieri.”

Jeremia 20:8

E kinde duto ma awuoyoe, to aywak kendo akok niya, ‘Mahundu gi masira nitie!’ A Ruoth Nyasaye, gichara kendo giyanya kinde duto nikech ahulo wachni.

Tim jo-Lawi 13:10

mi range. Ka nitie kido marachar kama litno, mi yier man kanyo olokore marachar, kendo kanyo onogo otimo adhola,

Zekaria 11:8

Kane pok due achiel orumo, ne ariembo jokwath adek nikech ne gijoga, kendo gin bende chunygi nosin koda.

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Luka 6:26

“Mano kaka unune malit ka ji duto pakou, nimar kwereu nopako jonabi mag miriambo mana kamano.

Johana 17:14

Asenyisogi wachni, mi piny odoko mamon kodgi, nikech ok gin mag piny, mana kaka an bende ok an mar pinyni.

Johana 3:19

“Burano chalo kama: ler osedonjo e piny, to ji ohero mudho moloyo ler nikech timbegi richo.

Jo-Rumi 8:7

Ng’at ma paro mana weche mag dhano mon gi Nyasaye, nikech ok orito Chik Nyasaye. Adier, ok onyal rite.

Jo-Galatia 4:16

To koro asedoko jasiku nikech awachonu adiera koso?

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?

1 Johana 4:5

Gin to gin mag piny, omiyo giwuoyo kuom gik mag piny, kendo piny winjogi.