Johana 7:4 - MUMA MALER 2015

⁴ Ka ng’ato dwaro mondo ji ong’eye, to ok onyal tiyo kama opondo. Ka en adier ni itimo gik ma kamagi, to ara nyisri e nyim piny.”

Motingʼo Loko Manyien

⁴ Ka ngʼato dwaro mondo obed rahuma to ok otim gik moko lingʼ-lingʼ. Omiyo kaka isebedo ka itimo honnigi, koro nyenyri ane e lela mondo piny oneni.”

Johana 7:4 ပူးပေါင်းရင်းမြစ်များ

1 Ruodhi 22:13

Jaote mane odhi luongo Mikaya nowachone niya, “Jonabi duto osekoro wach nyalhodia, ka giwacho ni gima ber biro timore ni ruoth. In bende yie ikor wach maber kaka gisekorono.”

Mathayo 23:5

Gik moko duto ma gitimo, gitimo mana ni mondo ji onegi. Gitueyo gik madongo moting’o weche Muma, e pat wag’gi kendo e bedegi, kendo girwako lewni momin usi maboyo e riakgi,

Mathayo 4:6

Nowachone niya, “Ka in Wuod Nyasaye adier, to chikri piny, nikech Muma wacho ni, ‘Nyasaye noket malaikane mondo oriti. Ginitayi gi lwetgi, mondo kik ichwany tiendi e kidi.’ ”

Mathayo 6:16

“Ka utueyo chiemo, to kik ujuond wang’u kaka joma wuondore ni ohero Nyasaye timo, nikech gin gijuondo wang’gi mondo ji one maonge kiawa ni gitueyo chiemo. Adier awachonu ni gin giseyudo pokgi.

Mathayo 6:5

“Ka ulemo, to kik ubed ka joma wuondore ni ohero Nyasaye, nikech gin gihero lemo ka gichung’ e ut lemo, kendo e akek yore, mondo ji onegi. Adier awachonu ni giseyudo pokgi.

Luka 6:45

Kamano ng’at maber golo gik mabeyo kuom mwandu mabeyo manie chunye, kendo ng’at marach golo gik maricho kuom mwandune maricho, nikech gik mopong’o chuny ng’ato ema dhoge wacho.

Johana 18:20

To Yesu nodwoke niya, “Pile asewuoyo ratiro e nyim piny duto. Asebedo ka apuonjo kuonde lemo, kendo e Hekalu, ma jo-Yahudi duto chokoree, bende pok awacho gimoro ling’ling’.

Johana 7:3

omiyo owetene nowachone ni, “A ka, idhi Judea mondo jopuonjreni one honni mitimo.

Johana 7:5

Ne giwachone kamano nikech kata gin ma gin owetene ne ok giyie kuome.