Johana 7:38 - MUMA MALER 2015

³⁸ En mana kaka Muma wacho ni, ‘Aore mag pi mangima nomol kawuok kuome.’ ”

Motingʼo Loko Manyien

³⁸ Ngʼato angʼata moyie kuoma pi ngima nobubni koa kuome, mana kaka Ndiko owacho.”

Johana 7:38 ပူးပေါင်းရင်းမြစ်များ

Ngeche 10:11

Weche ng’at makare, gin soko mar ngima, to weche jaricho, pando masira e igi.

Ngeche 18:4

Weche dhano gin soko mar rieko. Gitut ka nam, kendo giliw ka aora mamol.

Isaya 12:3

Kuom mano ubiro yudo gik mabeyo gi mor kuom Ruoth Nyasaye ma resou.

Isaya 35:6

Rang’onde bende nochikre ka nyidiek, kendo momni nower gi mor, nimar pi nobubni e piny motwo, kendo aore nobed ka molie.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Isaya 55:1

Winjuru! Un duto, ma riyo oloyo! Biuru mondo umodhi. Un joma onge gi chiemo, biuru ung’iew chiemo ucham. Ee, biuru ukaw akawa divai gi chak nono, ma ok uchulo gimoro.

Isaya 58:11

Ruoth Nyasaye ema nobed ka telonu pilepile, kokonyou kuonde motwo. Enomi dendu bed mojing’, mi uchal gi puodho mang’ich maber, kata ka soko ma pige ok duon.

Isaya 59:21

To bende Ruoth Nyasaye wacho niya, “Singruok ma abiro timo kodgi e ma: Roho mara man kuomu, kod wechena ma aseketo e dhou, nosik kodu chakre kawuono, nyaka kuom tienge duto mabiro mag nyikwau. An Ruoth Nyasaye ema awacho kamano.”

Zekaria 14:8

Chakre chieng’no, pi maliw nomol kawuok Jerusalem. Moko nochik Nam Kado, man yo wuok chieng’ to moko nochik Nam Mediterenia, man yo podho chieng’. Enosik komol e ndalo chwiri kendo e ndalo oro mana machalre.

Johana 4:10

Yesu nodwoke niya, “Ka da ing’eye mich mar Nyasaye, kendo ing’e jal makwayi pi mondo omodhini, to in ema da ikwaye pi, mi da omiyi pi mangima.”

Johana 4:14

to ng’ama omodho pi ma anamiye, riyo ok nolo nyaka chieng’. Pi ma anamiye nodok soko e iye, ma pige bubni, kendo kelo ngima ma nyaka chieng’.”

Jo-Efeso 5:9

nimar ler ema kelo ber gi timbe makare kod adiera duto.

Rapar mar Chik 18:15

Ruoth Nyasaye ma Nyasachu noyier janabi moro ka an kuom jou uwegi, kendo nyaka uwinj wachne.