Johana 7:37 - MUMA MALER 2015

³⁷ Chieng’ mogik mar sawo, mane en odiechieng’ maduong’ ahinya, Yesu nochung’ mowacho gi dwol maduong’ niya, “Ng’at ma riyo oloyo mondo obi ira, omodhi.

Motingʼo Loko Manyien

³⁷ Odiechiengʼ mogik mar Sawo, mane en odiechiengʼ maduongʼ ahinya, Yesu nochungʼ mowacho gi dwol maduongʼ niya, “Ngʼat ma riyo oloyo mondo obi ira omodhi.

Johana 7:37 ပူးပေါင်းရင်းမြစ်များ

Nehemia 8:18

Odiechieng kodiechieng’ chakre chieng’ mokwongo nyaka chieng’ mogik, nisomo kitap chik mar Nyasaye. Ne gitimo nyasi kuom ndalo abiriyo, to chieng’ mar aboro ne giloso sawo mogik, kaka chik dwaro.

Zaburi 143:6

Alami, ka ating’o bada malo, kendo sisom oloya kodi, mana ka lowo motwo madwaro pi.

Zaburi 42:2

A Nyasaye mangima, siso oloya kodi. Dayud thuolo karang’o mondo alem e nyimi?

Zaburi 63:1

A Nyasaye, in e Nyasacha, kendo agombo mondo aneni. Siso omaka kodi, kendo riyo mar ng’eyi oloya mana kaka piny motwo gombo koth.

Ngeche 1:20

Winjuru kaka rieko goyo koko matek e wang’yore kendo e chirni.

Ngeche 8:1

Winjuru kaka rieko luongo! Adier, odwaro ni ji mondo owinj dwonde.

Ngeche 8:17

Ahero joma ohera, kendo ng’ato nag’ata madwara to yuda.

Ngeche 8:3

Bende ochung’ but rangach, kama ochomo yo dala,

Ngeche 9:3

Oseoro jotichne manyiri kuonde moting’ore e gweng’, mondo oluong ji, ka wacho niya,

Wer Mamit 5:1

“Asebiro e puotha, yaye chiega ma jaherana. Achoko gik mang’ue ng’ar. Bende achamo mor kichna, kendo amadho divacha kod chaga.” “Ee, chiem, kendo meth ametha, nyaka chop hera meri.”

Isaya 12:3

Kuom mano ubiro yudo gik mabeyo gi mor kuom Ruoth Nyasaye ma resou.

Isaya 40:2

Wuouru gi jo-Jerusalem gi muolo, kuwachonigi ni gisetieko ndalogi mag tuech, kendo ni osekumgi moromo. Ruoth Nyasaye osekumogi nyadiriyo kuom richogi duto.”

Isaya 40:6

Dwol moro wacho niya, “Ting’ dwondi iwuo.” To moro dwoko ni, “Ere gima dawachi?” “Wach niya, ‘Dhano ka dhano chalo gi lum, kendo berne duto chalo gi maua manie pap.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Isaya 55:1

Winjuru! Un duto, ma riyo oloyo! Biuru mondo umodhi. Un joma onge gi chiemo, biuru ung’iew chiemo ucham. Ee, biuru ukaw akawa divai gi chak nono, ma ok uchulo gimoro.

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Isaya 58:1

Gouru koko matek mak uweyo, kuywak mana ka tung’. Huluru ni joga kethogi. Adier, nyisuru joka Jakobo richogi.

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Jeremia 2:2

ni mondo adhi ahul wachne ni ji duto modak Jerusalem kama: “Aparo hera mane un-go koda kane pod un oganda mayom, nimar e ndalo mane uluwa e thim, piny motwo ma ok pur, ne uhera mana kaka miaha hero chwore.

Ezekiel 47:9

Kamoro amora ma aorani molie, kit le duto kod rech ng’enyie. Adier, aorani nomi pi Nam Kado bed maliw, kendo kamoro amora momolie, nokelie ngima.

Tim jo-Lawi 23:36

Kuom ndalo abiriyogo nyaka uchiw ni Ruoth Nyasaye misengni miwang’o, to chieng’ mar aboro chokruok maler nobedie. Chieng’no bende unuchiw ni Ruoth Nyasaye misango miwang’o. En chokruok mitiekogo nyasi, omiyo kik uti tijeu mapile.

Tim jo-Lawi 23:39

“To chakre due apar gabich nogo, due mar abiriyo, bang’ keyo, nyaka utim sap Ruoth Nyasaye kuom ndalo abiriyo. Chieng’ mokwongo nobed chieng’ yueyo mowal, to chieng’ mar aboro bende kamano.

Mika 6:9

Luoro Ruoth Nyasaye en rieko. Ruoth Nyasaye luongo jo-Jerusalem niya, “Winjuru, un joma ochokore e dalani.

Zekaria 9:15

Ruoth Nyasaye Manyalo Gik Moko Duto ema nobed okumbagi mi ginilo lweny ka ginyono kite mag orujre piny. Ginigo koko ka joma omer, mi ginineg ji, mi rembgi chuer mana ka remb misango miolo gi tawo e tunge mag kendo-mar-misango.

Kwan 29:35

“Chieng’ mar aboro unutim nyasi mitiekogo chokruok, kendo ok unuti tijeu mapile.

Mathayo 11:28

“Biuru ira, un duto mujony kendo mugangoru mapek, mondo amiu yueyo.

Mathayo 3:3

Johana e jal mane janabi Isaya owuoyo kuome, kowacho ni, “Ng’at moro kok e thim niya, ‘Losuru yo ni Ruoth! Losneuru yo moriere tir.’ ”

Mathayo 5:6

“Joma kech gi riyo mar dwaro tim makare oloyo gin johawi, nikech giniyud gima gidwaro.

Johana 1:23

Eka Johana nodwokogi gi wach mane Isaya janabi okoro niya, “An e ng’at makok e thim ni, ‘Losuru ni Ruoth yo moriere tir.’ ”

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 4:10

Yesu nodwoke niya, “Ka da ing’eye mich mar Nyasaye, kendo ing’e jal makwayi pi mondo omodhini, to in ema da ikwaye pi, mi da omiyi pi mangima.”

Johana 4:11

Dhakono nowacho niya, “Jaduong’, ionge gi gir tuombo, to soko bende tut. Koro pi mangima to diyud kanye?

Johana 4:14

to ng’ama omodho pi ma anamiye, riyo ok nolo nyaka chieng’. Pi ma anamiye nodok soko e iye, ma pige bubni, kendo kelo ngima ma nyaka chieng’.”

Johana 5:40

to kata kamano udagi biro ira mondo uyud ngima.

Johana 6:35

To Yesu nodwokogi ni, “An e kuon mar ngima, kendo ng’ama obiro ira ok nowinj kech nyaka chieng’, bende ng’at moyie kuoma riyo ok nochak olo ngang’.

Johana 6:37

Ji duto ma Wuoro omiya nobi ira, kendo ng’ato ang’ata mobiro ira ok nariemb ngang’,

Johana 6:55

Ringra e chiemo madieri, kendo remba e math adieri.

Johana 7:28

Mano nomiyo Yesu owacho gi dwol maduong’, kopuonjo e Hekalu niya, “En adier ni ung’eya, kendo en adier ni ung’eyo kuma aaye, to kata kamano ok asebiro gi tekona awuon. Jal mane oora e wuon adiera, to un ok ung’eye.

1 Jo-Korintho 10:21

Ok unyal madho kikombe mar Ruoth, kendo uchak umadh kikombe mar jochiende.

1 Jo-Korintho 10:4

kendo ne gimodho pi achiel mar chuny, nikech ne gimodho e lwanda mar chuny mane wuotho kodgi. Lwandano ne Kristo owuon.

1 Jo-Korintho 11:25

Kamano bende, bang’ chiemo, nokawo kikombe kowacho niya, “Kikombeni e remba, motimgo Winjruok Manyien gi Nyasaye. E kinde ka kinde mumadhee, to timuru kamano mondo uparago.”

1 Jo-Korintho 12:13

Kamano bende e kaka wan duto, bed ni wan jo-Yahudi kata joma ok jo-Yahudi, kata wasumbini kata joma ni thuolo, to osebatiswa e ringruok achiel kuom Roho achiel, kendo wan duto osemiwa Roho achielno mondo wamadhi.

Jo-Efeso 5:18

Weuru mer, nono to ubiro ketho ngimau chuth. Kar timo kamano, to Roho ema mondo opong’u.

Fweny 21:6

Bang’ mano nowachona niya, “Gik moko duto osetimore! An e Alfa gi Omega, tiende ni Chakruok gi Giko. Ng’at ma riyo oloyo anami pi soko mar ngima nono, ma ok ochulo gimoro.

Fweny 22:1

Bang’ mano, malaikano nonyisa aora mar pi ngima marieny ahinya, kendo mamol kaa e kom duong, mar Nyasaye gi mar Nyarombo.

Fweny 22:17

Roho gi Miaha wacho ni, “Bi!” Ng’ama owinjo, bende mondo owach ni, “Bi!” To ng’ama riyo oloyo, mondo obi oyud pi mar ngima nono, mak ochulo gimoro.