Johana 7:22 - MUMA MALER 2015

²² Paruru ni Musa nomiyou chik mar tero nyangu. (To chutho Musa ok ema nokelo chikno, to kwereu ema nochake.) Chikno omiyo utero yawuotu nyangu chieng’ Sabato.

Motingʼo Loko Manyien

²² Nikech Musa nomiyou chik mar mondo oteru nyangu (to chutho Musa ok ema nomiyou chikni, to noa kuom kwereu), omiyo utero ji nyangu nyaka chiengʼ Sabato.

Johana 7:22 ပူးပေါင်းရင်းမြစ်များ

Chakruok 21:4

Kane osetieko ndalo aboro, Ibrahim notere nyangu, kaka Ruoth Nyasaye nosechike.

Tim jo-Lawi 12:3

Chieng’ mar aboro to nyaka ter nyathi nyangu.

Tich Joote 7:8

Eka Nyasaye notimo gi Ibrahim singruok, kowachone ni joma chwo moyie mako singruokno nyaka ter nyangu. Kamano kane Ibrahim onywolo Isaka, notere nyangu bang’ ndalo aboro. Isaka bende notimo kamano ni Jakobo wuode, kendo kamano e kaka Jakobo notimo ni kwerewa madongo apar gariyo.

Jo-Galatia 3:17

Tiend gima awacho e ma: Nyasaye notimo winjruok, mi osingore ni norit winjruokno. Kuom mano, Chik mane obiro bang’ higni mia ang’wen gi piero adek ok nyal ketho winjruokno, kendo mi singruok mane Nyasaye otimo bed kayiem nono,