Johana 7:13 - MUMA MALER 2015

¹³ To kata kamano onge ng’ama noloso kuome ratiro, nikech ne giluoro jodong jo-Yahudi.

Motingʼo Loko Manyien

¹³ To onge ngʼama ne nyalo hedhore wuoyo kuome e lela nikech negiluoro jo-Yahudi.

Johana 7:13 ပူးပေါင်းရင်းမြစ်များ

Ngeche 29:25

En gima rach luoro gima ji paro kuomi, to ber geno mana kuom Ruoth Nyasaye.

Johana 19:38

Bang’ mano Josef ja-Arimathaya, mane japuonjre Yesu maling’ling’ nikech ne oluoro jo-Yahudi, nokwayo Pilato mondo oyiene okaw ringre Yesu. Pilato noyiene, omiyo nodhi mokawo ringre Yesu.

Johana 20:19

Chieng’ Jumapilno, kane piny oyuso, jopuonjre ne nie ot, kendo ne gichiego dhoudi nikech ne giluoro jo-Yahudi. Eka Yesu nobiro mochung’ e diergi, kendo omosogi ni, “Okueuru!”

Johana 3:2

nodhi ir Yesu gotieno, mowachone niya, “Rabi, wang’eyo ni in japuonj moa ka Nyasaye, nikech onge ng’at manyalo timo honni mitimogi, mak mana ka Nyasaye ni kode.”

Johana 7:1

Bang’ mano, Yesu nowuotho koni gi koni ka puonjo e piny Galili. Ne ok odwa dhi Judea nikech jodong jo-Yahudi ne dwaro nege.

Johana 7:11

Jodong jo-Yahudi nomanye e sawo, ka penjo kuma entie.

Johana 7:15

Jodong jo-Yahudi nowuoro, kawacho ni, “Ere kuma ng’atni oyudoe rieko makama, to ok osomo?”

Johana 9:22

Jonywolne nodwoko kamano nikech ne giluoro jodong jo-Yahudi. Ne oyudo jodong jo-Yahudi osewinjore kendgi ni ng’ato ang’ata moyie ni Yesu e Mesia, to nyaka tam mondo kik dhi e od lemo.

Johana 9:34

To ne giwachone ni, “In nonywoli e chuny richo, to koro ere kaka dipuonjwa?” Eka ne giriembe oko e od lemo.

Fweny 2:13

“ ‘Ang’eyo kama idake. En kama kom mar duong’ mar Satan nitie. To irito nyinga ahinya, kendo ne ok ikwedo yie ma iyiego kuoma, kata mana e ndalo mane Antipa, janeno mara mar adier, onegi e dalau, kama Satan odakie.