Johana 6:60 - MUMA MALER 2015

⁶⁰ Jopuonjre Yesu mang’eny mane owinjo wechego nowacho niya, “Ma puonj matek manadi! Ng’ano ma dichikne ite?”

Motingʼo Loko Manyien

⁶⁰ Kane jopuonjre owinjo wachno, thothgi nowacho niya, “Ma en puonj matek manade. En ngʼa manyalo yie gi puonjni?”

Johana 6:60 ပူးပေါင်းရင်းမြစ်များ

Mathayo 11:6

To ng’at ma wachna ok chwany chunye en jahawi!”

Johana 2:2

kendo Yesu bende noluongi e kiserano gi jopuonjrene.

Johana 5:25

“Adier, adier, awachonu ni, kinde biro ma joma otho nowinjie duond Wuod Nyasaye, kendo ji duto ma owinjo dwolno nodok mangima. Adier, kindeno ose mana chopo.

Johana 6:52

Jo-Yahudi nochako dhawo kendgi niya, “Ere kaka jali dimiwa ringre mondo wacham?”

Johana 6:64

to ji moko kuomu pod ok oyie.” Yesu nowacho kamano nikech nyaka a chakruok noseng’eyo joma oyie, kod ng’at mane biro ndhoge.

Johana 6:66

Chakre kanyo ng’eny jopuonjrene nodok chien, mi oweyo luwe.

Johana 7:3

omiyo owetene nowachone ni, “A ka, idhi Judea mondo jopuonjreni one honni mitimo.

Johana 8:31

Yesu nowachoni jo-Yahudi mane oyie wachne niya, “Ka umako puonjna, to eka un jopuonjrena adier.

Johana 8:43

Gik ma awacho ok nyal donjonu, kendo ok unyal winjo tiendgi nikech ok uhero wach ma akelonu.

Jo-Hibrania 5:11

Wan gi weche mathoth ma dwawachnu kuom Melkizedek, to tugo tiendgi tek, nikech itu nok.

2 Petro 3:16

Adier, kane owuoyo kuom wechego, to mano e gima nowacho e barupene duto. Nitie weche moko matek winjo e barupenego, ma joma kia kendo ma johubagahubaga guenyo mana ni kethruokgi giwegi, mana kaka gitimo weche mamoko mondiki e Muma bende.