Johana 6:6 - MUMA MALER 2015

⁶ Nowacho kamano kotemo go Filipo, nimar en owuon nong’eyo gima obiro timo.

Motingʼo Loko Manyien

⁶ Nopenje kamano mana mondo otemego nimar nongʼeyo gima nobiro timo.

Johana 6:6 ပူးပေါင်းရင်းမြစ်များ

Chakruok 22:1

Chieng’ moro Nyasaye nomiyo Ibrahim tem. Noluonge niya, “Ibrahim! Ibrahim!” En to nodwoke ni, “Antie.”

2 Weche mag Ndalo 32:31

Kamano bende e kaka notieko wach joote jodong Babulon, mane oor ire mondo onon tiend hono ma nosetimore e pinye. Chutho Nyasaye noweye kende e wachno, to mana ni mondo oteme, kendo mondo ong’ego gima nie chunye.

2 Jo-Korintho 13:5

Nonreuru pile mondo une ane ka un gi yie. Adier, ng’ireuru uwegi! Donge ung’eyo ni Yesu Kristo nie iu, mak mana ka un joma orem?

Rapar mar Chik 13:3

to kik uwinj wachne. Ruoth Nyasaye ma Nyasachu temou mondo ong’e ane kuhere gi chunyu duto.

Rapar mar Chik 33:8

Jo-Lawi to nowuoyo kuomgi niya, “A Ruoth Nyasaye, nimiyo nyikwa Lawi ombulu miluongo ni Urim gi Thumim mondo ging’ego dwaroni, nikech gin joma tiyoni gi adiera. Ne itemogi Masa, kendo e sokni mag Meriba mi inwang’o ni gin joma inyalo geno.

Rapar mar Chik 8:16

bende nomiyou manna mane kwereu pok ong’eyo mondo ucham e thim. Notimo kamano mondo odwokugo piny, kotemou, eka bang’e ogwedhu.

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

Fweny 2:2

Ang’eye timbeni gi tichni matek kod kinda misetimo, kendo ang’eyo bende ni in ok inyal yie gi joma richo, bende isetemo joma luongore ni joote, to ok gin joote, mi inwang’o ni gin jomriambo.