Johana 6:5 - MUMA MALER 2015

⁵ Yesu noting’o wang’e, moneno ka oganda maduong’ biro ire, omiyo nopenjo Filipo niya, “Ere kuma wanyalo ng’iewoe makati ma dwami jogi ocham?”

Motingʼo Loko Manyien

⁵ Kane Yesu otingʼo wangʼe noneno oganda maduongʼ kabiro ire, mowachone Filipo niya, “Ere kuma wanyalo ngʼiewe makati ni jogi mondo gicham?”

Johana 6:5 ပူးပေါင်းရင်းမြစ်များ

Kwan 11:13

Ere kuma anyalo yudonigie ring’o giduto? Gichando chunya ka giywakna ni mondo amigi ring’o gicham.

Mathayo 15:33

To jopuonjrene nopenje ni, “Ere kama dwayudie chiemo e thim ka, ma dirom oganda maduong’ni?”

Mariko 6:32

Kamano ne giwuok kanyo gi yie, ka gidhi kar kendgi.

Luka 9:10

Joote Yesu nodwogo ire monyise gik moko duto mane gisetimo. Eka nokawogi mi gidhi kar kendgi e dala miluongo ni Bethsaida.

Johana 1:43

Kinyne Yesu ne dwaro dhi e piny Galili. Noyudo Filipo, mi owachone niya, “Luwa!”

Johana 1:44

Filipo ne ja-Bethsaida, dala mane Andrea gi Petro odakie

Johana 1:45

Filipo noyudo Nathaniel, mowachone niya, “Wasenwang’o jal mane Musa ondiko kuome e Kitap Chik, kendo mane jonabi bende ondiko kuome. En Yesu, wuod Josef, ja-Nazareth.”

Johana 1:46

To Nathaniel nopenjo ni, “Bende gimoro maber diwuog Nazareth adier.” Filipo to nodwoke ni, “Bi mondo ine.”

Johana 1:48

To Nathaniel nopenje ni, “Ing’eya nadi?” Yesu nodwoke niya, “Kane inie tiend ng’owo cha, kapok Filipo oluongi, to ne aseneni.”

Johana 4:35

Donge uwacho ni pod dueye ang’wen eka cham chiegi? Anto awachonu ni, ng’iuru puothe maber, mondo une kaka cham osechiek moromo keyo!