Johana 6:40 - MUMA MALER 2015

⁴⁰ Adier, Wuora dwaro ni mondo ng’ato ang’ata moneno Wuowi, mi oyie kuome, oyud ngima ma nyaka chieng’; kendo anachiere chieng’ giko piny.”

Motingʼo Loko Manyien

⁴⁰ Adier, Wuora dwaro ni mondo ji duto mogeno kuom Wuowi, kendo moyie kuome mondo obed gi ngima mochwere, kendo ochiergi chiengʼ giko piny.”

Johana 6:40 ပူးပေါင်းရင်းမြစ်များ

Isaya 52:10

Ruoth Nyasaye osenyiso tekone, mana e nyim ogendini duto ka neno, omiyo ji duto modak e tung’ piny koni gi koni none ka Ruoth Nyasaye reso joge.

Isaya 53:2

Jatich Ruoth Nyasaye nodongo e nyime mana ka yath ma tiendene nie lowo motwo. Ne oonge gi chia, bende ne oonge gi duong’ moro, mane nyalo mako wang’wa, mi mi wahere.

Kwan 21:9

Kamano Musa noloso thuond mula moketo e luth, ni, ka ng’ato thuol okayo, mi orango thuond mulano, to chango.

Mathayo 10:15

Awachonu adier ni, Chieng’ Bura, to Nyasaye nokum jodalano malit moloyo kaka nokum jo-Sodom gi jo-Gomora.

Mathayo 25:46

Eka Yesu notieko, ka wacho niya, “Jogi noter e kum mochwere, to joma kare nodhi e ngima mosiko.”

Mariko 16:16

Ng’ama oyie kendo obatisi, nokwo, to ng’ama ok oyie, bura nolo.

Luka 2:30

nikech aseneno warruok mikelo gi wang’a owuon. Iseike e nyim ogendini duto mana ka gineno.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 10:28

Amiyogi ngima ma nyaka chieng’, kendo ok ginilal ngang’, bende onge ng’at manyalo gologi e lweta.

Johana 11:24

To Maritha nowachone ni, “Ang’eyo ni nochier chieng’ giko piny.”

Johana 11:25

Yesu nowachone niya, “An e chier, kendo an e ngima. Ng’ato ang’ata moyie kuoma nodok mangima, kata obedo ni osetho,

Johana 12:45

kendo ng’ama nena, neno Jal mane oora.

Johana 12:50

Ang’eyo ni chikne ema kelo ngima ma nyaka chieng’. Awacho mana gik ma Wuora onyiso mondo awachi.”

Johana 14:17

Jakonyno en Roho Maler adiera, ma pinyni ok nyal rwako, nimar piny ok nene, kendo ok ong’eye. Un to ung’eye, nimar osiko kodu, kendo odak e iu.

Johana 14:19

Bang’ kinde matin, piny ok nochak onena kendo. Un to ununena. Anabed mangima, omiyo un bende unubed mangima.

Johana 17:2

Isemiye teko kuom ji duto, mondo en bende ochiw ngima ma nyaka chieng’ ni ji duto misemiye.

Johana 3:36

Ng’at moyie kuom Wuowi nigi ngima ma nyaka chieng’. To ng’at ma ok owinjo Wuowi ok none ngimano ngang’, to mirimb Nyasaye osiko kuome.

Johana 4:14

to ng’ama omodho pi ma anamiye, riyo ok nolo nyaka chieng’. Pi ma anamiye nodok soko e iye, ma pige bubni, kendo kelo ngima ma nyaka chieng’.”

Johana 5:24

Adier awachonu ni ng’ama owinjo wachna, mi oyie kuom Jal mane oora, nigi ngimaa ma nyaka chieng’, ng’at ma kamano ok ter e bura, to osea e tho, odonjo e ngima.

Johana 6:27

Kik uti ni chiemo makethore, to tiuru mana ni chiemo mosiko, kendo makelo ngima ma nyaka chieng’. Wuod Dhano ema nomiu chiemono, nikech en ema Nyasaye Wuoro oseketo kido mare kuome, manyiso ni oyie kode.”

Johana 6:39

Jal mane oora dwaro ni kik awit kata ng’at achiel kuom joma ne omiya, to ni mondo achiergi duto chieng’ giko piny.

Johana 6:44

Onge ng’ama nyalo biro ira mak mana ka Wuoro mane oora ema okele; kendo anachiere chieng’ giko piny.

Johana 6:54

Ng’at ma ochamo ringra, kendo omadho remba, nigi ngima ma nyaka chieng’, kendo anachiere chieng’ giko piny.

Johana 8:56

Kwaru Ibrahim ne mor koneno ndalona. Adier, nonene mobedo mamor.”

Jo-Rumi 5:21

ni mondo kaka richo nolocho kamiyo ji duto tho, e kaka mondo ng’wono olochi, ka Nyasaye miyo ji bedo e winjruok kode, kendo miyogi ngima ma nyaka chieng’ kuom Yesu Kristo Ruodhwa.

Jo-Rumi 6:23

Misach richo en tho, to mich Nyasaye en ngima mochwere kuom Yesu Kristo Ruodhwa!

2 Jo-Korintho 4:6

Watimo kamano nimar Nyasaye achiel mane owacho ni mondo ler orieny e chunywa mondo okelnwa ler mar ng’eyo duong’ mar Nyasaye mineno e wang’ Yesu Kristo.

Jo-Hibrania 11:1

To yie en ang’o? Yie en bedo gi adiera ni wabiro yudo gik mwageno, kendo en bedo gi ratiro maonge kiawa ni gik ma ok wanyal neno, nitie.

Jo-Hibrania 11:27

Yie ema nomiyo owuok Misri ka ok oluoro mirimb ruoth. Ne odhil mana ka ng’ama oneno Nyasaye ma ok ne.

1 Petro 1:8

Kata obedo ni pok uneno Yesu, to pod uhere ahera, bende kata obedo ni ok unene sani, to pod uyie ayiea kuome, kendo upong’ gi mor maduong’ mokadho awacha,

1 Johana 2:25

Ma e singruok mar ngima ma nyaka chieng’ mane osingore ni nomiwa.

Juda 1:21

Nyaka ubed e hera mar Nyasaye, mondo urit ngima ma nyaka chieng’ ma Ruoth Yesu Kristo biro miyou kuom ng’wonone.