Johana 6:39 - MUMA MALER 2015

³⁹ Jal mane oora dwaro ni kik awit kata ng’at achiel kuom joma ne omiya, to ni mondo achiergi duto chieng’ giko piny.

Motingʼo Loko Manyien

³⁹ Dwach Jal mane oora en ni kik awit kata achiel kuom ji duto mosemiya, to ni mondo achiergi chiengʼ giko.

Johana 6:39 ပူးပေါင်းရင်းမြစ်များ

Jeremia 23:4

Anaketnigi jotelo ma noritgi maber, mi onge gima nobwoggi kata ma nomi gibed maluor, bende onge ng’ato kuomgi ma noyud kolal. An Ruoth Nyasaye ema awacho kamano.’

Mathayo 10:15

Awachonu adier ni, Chieng’ Bura, to Nyasaye nokum jodalano malit moloyo kaka nokum jo-Sodom gi jo-Gomora.

Mathayo 18:14

Kamano e kaka Wuonu mae polo bende ok dwar mondo achiel kuom joma tindogi olal.

Luka 12:32

“Kik uluor, un kueth matinni, nimar Wuonu ohero miyo ubed gi loch kaachiel kode.

Johana 12:48

To ng’at modaga, kendo ma ok oyie wechena, nigi jang’adne bura. Wach ma asewacho ema nong’adne bura chieng’ giko piny,

Johana 17:12

Kane an kodgi, to ne aritogi gi teko mar nyingi mane imiya. Naritogi maber mi kata achiel kuomgi ne ok olal, mak mana jal mane ochunore ni nyaka lal mondo gima ondiki e Muma otimre.

Johana 17:2

Isemiye teko kuom ji duto, mondo en bende ochiw ngima ma nyaka chieng’ ni ji duto misemiye.

Johana 17:24

“Wuora, adwaro mondo joma isemiyagi obed koda kama intie, mondo gine duong’ ma isemiya, nikech nihera kapok ochwe piny.

Johana 17:6

“Asemiyo joma ne igolo e piny ong’eyo kaka ichal. Ne gin jogi, kendo in ema nimiyagi. Giserito wachni,

Johana 17:9

“Koro gin ema akwayonigi. Ok akwa ni piny, to akwayo mana ni joma ne imiya, nikech gin jogi.

Johana 18:9

Nowacho kamano mondo gima ne oyudo osehulo koro otimre. Nosehulo niya, “Onge kata ng’at achiel moselalna kuom joma ne imiya.”

Johana 5:28

Wachno kik bwogu nikech ndalo biro ma kata mana joma otho manie bur nowinj dwonde,

Johana 6:37

Ji duto ma Wuoro omiya nobi ira, kendo ng’ato ang’ata mobiro ira ok nariemb ngang’,

Johana 6:40

Adier, Wuora dwaro ni mondo ng’ato ang’ata moneno Wuowi, mi oyie kuome, oyud ngima ma nyaka chieng’; kendo anachiere chieng’ giko piny.”

Johana 6:44

Onge ng’ama nyalo biro ira mak mana ka Wuoro mane oora ema okele; kendo anachiere chieng’ giko piny.

Johana 6:54

Ng’at ma ochamo ringra, kendo omadho remba, nigi ngima ma nyaka chieng’, kendo anachiere chieng’ giko piny.

Jo-Rumi 8:11

To bende ka Roho ma Jal mane ochiero Yesu oa kuom joma otho odak e iu, to en mane ochiero Kristo oa kuom joma otho nomi ringreu matho bedo mangima bende, nikech Roho modak e iu.

1 Jo-Korintho 6:14

Nyasaye nochiero Ruoth, kendo wan bende obiro chierowa gi tekone.

2 Timotheo 2:19

To Nyasaye oseketo mise motegno mochung’ kogurore, kendo ondikie niya, “Ng’ato ka ng’ato mahulo nying Ruoth nyaka pogre gi richo.”

Jakobo 5:15

Ka joma lemonego bende nigi yie, to obiro chango, mi Ruoth mi oa malo e kitandane, kendo ka osetimo richo to nowene.

1 Petro 1:5

Adier obiro ritou nyaka chop warruok, ma oselosi mondo oel e chieng’ giko, bi.

Juda 1:1

An Juda, ma misumba Yesu Kristo, kendo ma owadgi Jakobo, ema andikonu baruani un joma Nyasaye ohero kendo ma oseluongo, kendo ma Yesu Kristo rito gi tekone.

1 Samuel 25:29

Ka ng’ato lawi mondo onegi, to Ruoth Nyasaye ma Nyasachi biro keto ngimani e kanyakla mar joma ngima morito ka mwandu mokan e ndede. To ngima wasiki nowit oko mana kaka kidi midiro gi orujre.