Johana 6:32 - MUMA MALER 2015

³² Eka Yesu nomedo wachonigi niya, “Adier, adier, awachonu ni, Musa ne ok omiyou kuon maradier moa e polo, to Wuora ema miyou kuon maradier moa e polo,

Motingʼo Loko Manyien

³² Yesu nowachonegi niya, “Awachonu adier ni Musa ok ema nomiyou makati moa e polo, to Wuora ema nomiyou makati mar adier moa e polo.

Johana 6:32 ပူးပေါင်းရင်းမြစ်များ

Zaburi 78:23

To kata kamano nogolo chik mondo dhout polo oyawre.

Wuok 16:4

Ruoth Nyasaye nowacho ni Musa niya, “Abiro loronu chiemo koa e polo. Odiechieng’ kodiechieng’ ji nyaka dhi mondo ochok chiemo moromo chamo odiechieng’no. Kamano abiro temogi mondo ane ane ka giyie chikena.

Wuok 16:8

Eka Musa nomedo wacho niya, “Ruoth Nyasaye ema biro miyou kuon mang’eny mondo ucham gokinyi, nimar osewinjo kaka uywakne. Wan ok uywagnwa, to Ruoth Nyasaye ema uywakne, nikech wan ok wan gimoro.”

Johana 1:9

Wach ne en ler maradier marieny ni ji duto, kendo ne oyudo obiro e piny e kindeno,

Johana 15:1

“An e mzabibu maradier, kendo Wuora e japur mzabibuno.

Johana 6:31

Kwerewa ne ochamo chiemo miluongo ni Manna e thim, kaka ondiki e Muma ni, ‘Nomiyogi chiemo moa e polo mondo gicham.’ ”

Johana 6:33

nikech kuon ma Nyasaye chiwo en mana jal molor oa e polo, kendo ochiwo ngima ni piny.”

Johana 6:35

To Yesu nodwokogi ni, “An e kuon mar ngima, kendo ng’ama obiro ira ok nowinj kech nyaka chieng’, bende ng’at moyie kuoma riyo ok nochak olo ngang’.

Johana 6:41

Jo-Yahudi nochako ng’ur kane giwinjo ka Yesu owacho ni en e kuon moa e polo.

Johana 6:50

Anto awuoyo kuom kuon moa e polo, ma ka ng’ato ochamo to ok nyal tho ngang’.

Johana 6:55

Ringra e chiemo madieri, kendo remba e math adieri.

Johana 6:58

Ma e kuon mane olor oa e polo. Ok ochal gi gima ne kwereu ochamo to bang’e otho. Ng’at ma ochamo kuonni to nobed mangima nyaka chieng’”

Jo-Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,

1 Johana 5:20

Wang’eyo bende ni Wuod Nyasaye osebiro, mi omiyowa rieko mondo wang’ego Nyasaye maradier. Wan kuom Jal maradier, ma en Yesu Kristo Wuod Nyasaye. En e Nyasaye maradier, kendo en e ngima ma nyaka chieng’.