Johana 6:31 - MUMA MALER 2015

³¹ Kwerewa ne ochamo chiemo miluongo ni Manna e thim, kaka ondiki e Muma ni, ‘Nomiyogi chiemo moa e polo mondo gicham.’ ”

Motingʼo Loko Manyien

³¹ Kwerewa nochamo manna e thim; mana kaka ondiki ni, ‘Nomiyogi chiemo moa e polo mondo gicham.’”

Johana 6:31 ပူးပေါင်းရင်းမြစ်များ

Nehemia 9:15

Nimiyogi chiemo moa e polo mondo otieknigi kech, kendo nigolonigi pi e lwanda mondo gineg godo riyo; bende nichikogi mondo gidonj kendo gikaw piny mane ikuong’ori ni nimigi.

Nehemia 9:20

Nimiyogi Roho mari maber mondo opuonjgi. Ne ok ituonogi manna ma nioro, kendo nisiko kimiyogi pi mondo gineggo riyo.

Zaburi 105:40

Ne gikwayo gima digicham, mi okelonigi aluru, kendo nomiyogi chiemo moa e polo mondo gicham giyieng’.

Wuok 16:35

Jo-Israel nochamo manna kuom higni piero ang’wen, nyaka ne gichopo e piny mane ginyalo dakie. Ne gichamo mannano kamano nyaka ne gichopo e mbap piny Kanaan. (

Johana 6:32

Eka Yesu nomedo wachonigi niya, “Adier, adier, awachonu ni, Musa ne ok omiyou kuon maradier moa e polo, to Wuora ema miyou kuon maradier moa e polo,

Johana 6:49

Kwereu nochamo Manna e thim, to kata kamano ne githo.

Johana 6:58

Ma e kuon mane olor oa e polo. Ok ochal gi gima ne kwereu ochamo to bang’e otho. Ng’at ma ochamo kuonni to nobed mangima nyaka chieng’”

1 Jo-Korintho 10:3

Giduto ne gichamo chiemo achiel mar chuny,

Rapar mar Chik 8:3

Nodwokou piny, kendo nomiyo kech okayou, eka bang’e nomiyou manna mondo ucham. En chiemo mane pok uneno, kendo kwereu bende ne ok oneno. Notimo kamano mondo onyisugo ni dhano ok bed mangima nikech chiemo kende, to obedo mangima gi weche duto mawuok e dho Ruoth Nyasaye.

Joshua 5:12

Chakre chieng’ mane jo-Israel ochamoe chiemb Kanaanno, chiemb Manna mane oyudo gichamo norumo, mi ne ok giyudo moko kendo. Higano ne gichamo mana chamb Kanaan.

Fweny 2:17

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to anami chiemo moko mopandi miluongo ni Manna, kendo anamiye kidi marachar mondikie nying manyien, maonge ng’at mong’eyo, mak mana jal monwang’e.