Johana 6:2 - MUMA MALER 2015

² Oganda maduong’ noluwe, nikech ne gineno honni mane otimo kochango joma tuo.

Motingʼo Loko Manyien

² kendo oganda maduongʼ noluwe nikech ne giseneno honni mane osetimo kochango joma tuo.

Johana 6:2 ပူးပေါင်းရင်းမြစ်များ

Mathayo 12:15

Yesu nong’eyo gima ne gidwaro timo, omiyo noa e gweng’no. Ji ma thoth noluwe, kendo nochangogi duto,

Mathayo 13:2

Oganda mane ochokore molwore ne duong’ ahinya, omiyo nodonjo e yie, mobetie, ka ji to ochung’ gi oko e dhowath.

Mathayo 14:14

Omiyo kane Yesu owuok e yie, noneno ji mathoth, kendo nokechogi, mochango joma tuo kuomgi.

Mathayo 8:1

Kane Yesu oselor oa e got, oganda maduong’ noluwe.

Mariko 1:45

Ng’atno to kane osea kanyo, to ochako mana lando wachno. Adier, nolando wachno kamoro amora, ma koro Yesu ne ok nyal dhi e dala moro ka ji nene, ne en mana oko kuonde ma onge joma odakie. Kata kamano, ji moa kuonde duto nosiko ka dhi adhiya ire.

Mariko 6:33

To ji mang’eny nonenogi kagidhi, mi ong’eyogi. Omiyo ji nowuok e mier duto, moringo kalworo oko, mi okwongo ni Yesu gi jootene chopo kuma ne gidhiye.

Johana 11:47

Omiyo jo-Farisai kod jodolo madongo noluongo buchgi maduong’, mi openjore ni, “Ng’atni timo timbe madongo mang’eny! Wan to watimo ang’o?

Johana 12:18

Mano emomiyo ji nodhi romone, nikech ne gisewinjo ni otimo hono maduong’no.

Johana 12:37

To kata obedo ni nosetimonigi honni mang’eny kamano, to ne ok giyie kuome.

Johana 2:11

Yesu notimo hono Kana e piny Galili. En e ranyisi mane okwongo timo. Kamano nonyiso duong’ne maler, mi jopuonjrene noyie kuome.

Johana 2:23

Kane Yesu ni Jerusalem, e Sap Pasaka, ji mathoth noyie kuome, nimar ne gineno honni motimo.

Johana 20:30

Yesu notimo honni moko mang’eny ka jopuonjrene neno, to honnigo ok ondik e kitabuni.

Johana 3:2

nodhi ir Yesu gotieno, mowachone niya, “Rabi, wang’eyo ni in japuonj moa ka Nyasaye, nikech onge ng’at manyalo timo honni mitimogi, mak mana ka Nyasaye ni kode.”

Johana 6:14

Kane ji oneno hono mane Yesu otimono, ne giwacho ni, “Nyaka bed ni jali e janabi mane onego bi e piny ka.”

Johana 6:22

Kinyne, oganda mane odong’ loka machielo noparo ni yie achiel kende ema ne ni kanyo, kendo ne ging’eyo ni Yesu ne ok oidho e yieno kod jopuonjrene, to jopuonjrene nodhi mana kendgi.

Johana 6:26

Yesu nodwokogi ni, “Awachonu adier ni, udwara mana nikech makati ma nyoro uchamo, muyieng’, to ok nikech honni museneno.

Johana 6:30

Kuom mano ne gichako gipenje niya, “To ere ranyisi minyalo timo mondo wane, eka wayie gima iwacho? Ang’o minyalo timo?