Johana 5:39 - MUMA MALER 2015

³⁹ “Uketo chunyu kuom somo Muma, ka uparo ni Muma nyalo miyo uyud ngima ma nyaka chieng’. Adier, Muma ema wuoyo kuoma,

Motingʼo Loko Manyien

³⁹ Uketo chunyu kuom nono Muma nikech uparo ni unyalo yudo ngima mochwere kuomgi. Muma ema timo neno kuoma,

Johana 5:39 ပူးပေါင်းရင်းမြစ်များ

Zaburi 1:2

Chik Ruoth Nyasaye ema miye mor, kendo opuonjore chikno odiechieng’ gotieno.

Zaburi 119:11

Akano wachni e chunya, mondo kik akethi e nyimi.

Zaburi 133:3

Bende ochalo gi tho mamol e got Hermon, kendo machuer ka mol e gode mag Sayun. Kanyo ema Ruoth Nyasaye osewacho ni obiro keloe guethne. Guethneno en ngima ma ok rum.

Zaburi 16:11

Inyisa yo matera e ngima. Kama intie ema ilo maduong’ yudoree, kendo e lweti ma korachwich ema gik mamiyo chuny mor nitie mosiko.

Zaburi 21:4

Ne okwayo mondo imiye ngima, mi nimiye. Ee, noyudo ngima malach kendo mosiko.

Zaburi 36:9

In ema ngima wuok kuomi, kendo ler mari emomiyo waneno ler.

Ngeche 6:23

Chike ma kamago gin ler marieny, kendo kwer ma ikwerogo ng’ato kuom gima otimo marach kelo ngima.

Isaya 34:16

Somuru kitap Ruoth Nyasaye, to ubiro yudo ni onge achiel kuom gigo ma nobed maonge, kendo roho mare ema nochokgi.

Isaya 8:20

Adier, ji nyalo wachonu weche makamago, to kata kamano gima giwacho onge tich.

Jeremia 8:9

Jorieko wigi okuot. Wach ogoyogi nyang’eng’o kendo dhogi omoko. Gisedagi wechena, koro ere rieko ma gin-go?

Daniel 12:2

Ji mang’eny kuom joma osetho biro chier. Moko kuomgi nochier mi yud ngima mochwere, to moko noyud wichkuot kod achaye mosiko.

Mathayo 22:29

To Yesu nodwokogi niya, “Uruenyo, nikech ok ung’eyo weche manie Muma kata teko mar Nyasaye bende ok ung’eyo.

Mariko 10:3

Yesu nodwokogi kapenjogi ni, “Ere kaka ne Musa ochikou?”

Mariko 12:10

Nyaka bed ni usesomo e Muma ni, ‘Kidi mane jogedo odagi, ema koro osedoko kidi motegno moriwo kor ot.

Luka 16:29

To Ibrahim nodwoke niya, ‘Gin gi weche Musa kod mag Jonabi kuno, omiyo ber mondo giwinjgi.’

Luka 16:31

Ibrahim to nokone niya, ‘Ka ok ginyal winjo weche Musa kod Jonabi, to ok giniwinj kata mana ng’at mochier oa kuom joma otho!’ ”

Luka 24:25

Kane gisetieko wuoyo kamano, Yesu nowachonigi niya, “Yaye un joma ofuwo! Mano kaka ung’ulni kuom yie gik moko duto mane jonabi owacho!

Luka 24:27

Bang’ mano, Yesu nonyisogi weche mane jonabi duto ondiko.

Luka 24:44

Nowacho nigi niya, “Magi e gik mane awachonu kapod an kodu, kane anyisou ni gik moko duto mondik kuoma e Chik Musa gi Kitepe Jonabi kod Zaburi nyaka timre.”

Johana 1:45

Filipo noyudo Nathaniel, mowachone niya, “Wasenwang’o jal mane Musa ondiko kuome e Kitap Chik, kendo mane jonabi bende ondiko kuome. En Yesu, wuod Josef, ja-Nazareth.”

Johana 5:32

To nitie ng’at machielo mawuoyo kuoma, kendo ang’eyo ni gima owacho kuoma en adier.

Johana 5:36

Adier, Johana nowuoyo kuoma kanyiso ni Wuora noora, to koro tich ma atiyo, mane Wuoro omiya mondo ati, nyiso malong’o ni Wuoro noora, moloyo kaka ne Johana onyiso.

Johana 5:40

to kata kamano udagi biro ira mondo uyud ngima.

Johana 5:46

Ka da uyie wach Musa, to da uyie gima awacho, nikech an ema ne ondiko kuoma.

Johana 7:52

To ne gipenje ni, “In bende in ja-Galili koso? Som Muma, to ibiro yudo ni onge janabi manyalo wuok Galili!”

Tich Joote 13:27

nikech joma odak Jerusalem kod jodonggi ne ok ong’eyo ni Yesu e Jawar, bende ne ok giwinjo tiend weche jonabi misomo pile chieng’ Sabato ka Sabato. To kata kamano ka ne ginege, to ne gimiyo gima ne jonabi okoro otimore.

Tich Joote 17:11

Jo-Yahudi mane odak kuno ne nigi chuny mathuolo moloyo mago mane odak Thesalonika. Ne gichiko itgi mi giwinjo wach gi chuny moyangore chuth, kendo ne gisomo Muma pile mondo gine ane ka weche Paulo gin adier.

Tich Joote 26:27

Ruoth Agripa, donge iyie wach Jonabi? Adier ang’eyo ni iyie!”

Jo-Rumi 1:2

Chon Nyasaye nosemiyo jonabi osingore e Muma Maler ni Wach Maberni biro biro.

Jo-Rumi 3:2

To adwoko kama: Nitie ber mang’eny kuom bedo ja-Yahudi. Mokwongo Nyasaye nogeno jo-Yahudi mi omiyogi Wachne.

Rapar mar Chik 18:15

Ruoth Nyasaye ma Nyasachu noyier janabi moro ka an kuom jou uwegi, kendo nyaka uwinj wachne.

Rapar mar Chik 18:18

Abiro yieronigi janabi kaka in, kuom ogandagi giwegi. Abiro keto wechena e dhoge, kendo enowachnigi weche duto ma achike.

Rapar mar Chik 29:29

“Nitie gik moko mopondo, to gin mag Ruoth Nyasaye ma Nyasachwa, to gik moelnwa tiendgi ema omiwa kaachiel gi nyikwawa nyaka chieng, omiyo wanyalo timo gik moko duto ma chikni dwaro.

Rapar mar Chik 32:47

nikech ok gin weche manono, to gin e ngimau. Kuritogi, to gibiro miyo udag aming’a e piny ma ubiro kawo ka useng’ado aora Jordan.”

Jo-Kolosai 3:16

Wach Kristo, gi gueth duto mokelo, mondo odag e chunyu. Puonjreuru kendo jiwreuru gi rieko duto. Weruru mamit e chunyu ni Nyasaye, kugoyone erokamano gi wende Zaburi gi wende pak kod wende mag chuny.

Jo-Hibrania 11:16

To koro ne gigombo piny maber moloyo, tiende ni piny polo. Mano emomiyo wi Nyasaye ok kuodi kiluonge ni Nyasachgi, nikech oseikonigi dala.

Jo-Hibrania 11:35

Yie ema ne omiyo ochier ni mon moko jogi mane osetho. Jomoko ne osand malit, kane ok oyie ni mondo oresi, nikech ne gidwaro ni chieng’ moro gichier e ngima maber moloyo.

Joshua 1:8

Kik wiyi wil gi Kitap Chikno, to nyaka isome odiechieng’ gotieno, kendo ine ni iluwo chik duto mondikie. Eka inidongi, kendo noguedh gik moko duto mitimo.

Fweny 19:10

Ne apodho piny e tiende mondo alame, to nokwera ni, “Ngang’! Kik itim kamano! An mana jatich wadu matiyo kodi kaachiel gi oweteni mamoko. Wan duto wahulo wach man kuom Yesu. Nyasaye kende ema mondo ilam. Adiera ma Yesu kelo ema miyo jonabi koro wach.”