Johana 5:26 - MUMA MALER 2015

²⁶ Kaka Wuoro owuon nigi teko mar miyo ji ngima, e kaka osemiyo Wuowi bende teko mar miyo ji ngima.

Motingʼo Loko Manyien

²⁶ Mana kaka Wuoro nigi teko mar miyo ji ngima, e kaka osemiyo Wuowi bende teko mar timo kamano.

Johana 5:26 ပူးပေါင်းရင်းမြစ်များ

Zaburi 36:9

In ema ngima wuok kuomi, kendo ler mari emomiyo waneno ler.

Zaburi 90:2

Kane pok ochue gode, kata kane piny pok obetie, in e Nyasaye ma nyaka nene kendo manyaka chieng’.

Wuok 3:14

Nyasaye nowacho ni Musa niya, “AN MANTIE e nyinga.” Eka nomedo wacho niya, “Ma e gima mondo iwach ni jo-Israel: ‘AN MANTIE oseora iru.’ ”

Jeremia 10:10

To Ruoth Nyasaye e Nyasaye maradier. En e Nyasaye mangima, kendo ruoth mochwere. Ka okecho to piny yiengni, kendo ogendini ok nyal siro mirimbe.

Johana 1:4

Gimoro amora mane ochue noyudo ngima kuome, kendo ngimano nokelo ni ji ler.

Johana 10:18

Onge ng’at manyalo mayago, to an ema ayie chiwe, nikech mano ema ahero timo. An gi teko mar chiwe, bende an gi teko mar kawe kendo. Wuora ema osenyisa mondo atim kamano.”

Johana 11:25

Yesu nowachone niya, “An e chier, kendo an e ngima. Ng’ato ang’ata moyie kuoma nodok mangima, kata obedo ni osetho,

Johana 11:26

kendo ng’at mangima moyie kuoma ok notho nyaka chieng’. Bende iyie wachni koso?”

Johana 14:19

Bang’ kinde matin, piny ok nochak onena kendo. Un to ununena. Anabed mangima, omiyo un bende unubed mangima.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 4:10

Yesu nodwoke niya, “Ka da ing’eye mich mar Nyasaye, kendo ing’e jal makwayi pi mondo omodhini, to in ema da ikwaye pi, mi da omiyi pi mangima.”

Johana 6:57

Kaka Wuoro mangima noora, kendo angima nikech en, e kaka ng’at mochamo ringra bende nobed mangima nikech an.

Johana 8:51

Awachonu adier ni, ka ng’ato omako wachna, to ok notho nyaka chieng’.”

Tich Joote 17:25

To bende kata obedo ni oyie mondo dhano otine, to onge gima ochando, nikech en owuon ochiwo ngima kod gik moko duto ni ji duto.

1 Jo-Korintho 15:45

Mano emomiyo Muma wacho niya, “Adam, dhano mokwongo, nodoko ng’at man gi ngima, to Adam ma achien nodoko Roho machiwo ngima.”

1 Timotheo 1:17

Opak Ruoth mochwere! En Ruoth ma ok tho, kendo ma ok ne. En e Nyasaye kende. Duong’ obedne ma nyaka chieng’. Amin.

1 Timotheo 6:16

En kende ema ok otho, kendo odak e ler ma dhano ok nyal chopoe. Onge dhano mosenene, kata manyalo nene. Pak gi loch ma nyaka chieng’ obedne! Amin.

Jo-Hibrania 1:2

to e ndalo mogikgi, Wuowi owuon ema osebedonwa wach Nyasaye. En ema Nyasaye osekete wuon gik moko duto, kendo en ema osemiye chueyo gik moko duto.

Fweny 21:6

Bang’ mano nowachona niya, “Gik moko duto osetimore! An e Alfa gi Omega, tiende ni Chakruok gi Giko. Ng’at ma riyo oloyo anami pi soko mar ngima nono, ma ok ochulo gimoro.

Fweny 22:1

Bang’ mano, malaikano nonyisa aora mar pi ngima marieny ahinya, kendo mamol kaa e kom duong, mar Nyasaye gi mar Nyarombo.

Fweny 22:17

Roho gi Miaha wacho ni, “Bi!” Ng’ama owinjo, bende mondo owach ni, “Bi!” To ng’ama riyo oloyo, mondo obi oyud pi mar ngima nono, mak ochulo gimoro.

Fweny 7:17

nikech Nyarombo manie dier kom duong’ tir nobed jakwadhgi. Notelnigi e sokni mag pi ngima, kendo Nyasaye noywe pi wang’gi duto.”