Johana 5:23 - MUMA MALER 2015

²³ mondo ji duto omi Wuowi duong’ mana kaka gimiyo Wuoro. Ng’at ma ok mi Wuowi duong’, to ok mi Wuoro mane ooro Wuowi duong’.

Motingʼo Loko Manyien

²³ mondo ji duto omi Wuowi duongʼ mana kaka gimiyo Wuoro duongʼ. Ngʼat ma ok mi Wuowi duongʼ ok mi Wuoro mane ooro Wuowino duongʼ.

Johana 5:23 ပူးပေါင်းရင်းမြစ်များ

Zaburi 2:12

kendo kulreneuru kuboloru, nikech dipo ka okecho, mi utho apoya, nimar iye jawang’ piyo. To joma ogeno kuome gin johawi.

Isaya 42:8

An e Ruoth Nyasaye, kendo mano e nyinga. Ok ayie mondo duong’ ma imiya omi nyasaye moro machielo, bende ok ayie mondo pak mipakago opakgo gik ma opa.

Isaya 44:6

Ruoth Nyasaye Manyalo Gik Moko Duto ma Ruodh jo-Israel kendo jawargi, wacho niya, “An e mokwongo, kendo an e mogik, bende onge Nyasaye moro mak mana an.

Isaya 45:15

Adier, in Nyasaye mapondo, A Nyasach Israel ma Jawarwa!

Isaya 45:21

Biuru, uwach wachu ane, ka upenjoru ng’ato gi ng’ato. En ng’a mane okoro ni Kuros biro locho kamano? Koso en ng’a mane owacho chon ni gigo biro timore? Donge ne en mana an, Ruoth Nyasaye? Onge nyasaye moro mak man an, man gi loch, kendo manyalo reso ng’ato. Ooyo, onge moro mak mana an.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Mathayo 10:37

Ka ng’ato ohero wuon kata min gi hera matut moloyo hera moherago, to ok oromo bedo ng’ata. Kata ka ng’ato ohero wuode kata nyare moloyo kaka ohera to en bende ok oromo bedo ng’ata.

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Mathayo 12:21

Kuom mano, ogendini duto noket geno margi kuome.”

Mathayo 15:8

‘Jogi paka mana gi dhogi, to chunygi bor koda.

Mathayo 28:19

omiyo dhiuru ulok ogendini duto jopuonjrena, kubatisogi e nying Wuoro gi Wuowi gi Roho Maler,

Luka 10:16

Eka Yesu nowacho ni jopuonjrene niya, “Ng’ama owinjou, owinjo mana an, to ng’ama odagiu, to odagi mana Jal mane oora.”

Johana 14:1

Bang’ mano Yesu nowachonigi niya, “Kik chunyu parre. Yieuru kuom Nyasaye, to kuoma bende yieuru.

Johana 16:14

Enomiya duong’, nikech gik ma enowachnu nogol mana kuoma.

Johana 17:10

Giga duto gin magi; gigi bende gin maga, kendo kuomgi ema aseyudoe duong’ maler.

Jo-Rumi 1:7

Kuom mano andikonu un ji duto man Rumi, ma Nyasaye ohero, kendo oseluongo mondo obed joge. Ng’wono gi kue moa kuom Nyasaye Wuonwa gi Ruoth Yesu Kristo mondo obed kodu.

Jo-Rumi 15:12

Isaya bende wacho niya, “Nyakwar Jesse nobi. En ema nowuogi mondo obed ruodh joma ok jo-Yahudi, kendo en ema joma ok jo-Yahudi nogen kuome.”

Jo-Rumi 6:22

To koro osegonyu e tuech richo, mi udoko wasumb Nyasaye, omiyo ohala muyudo en ngima maler, kendo gikone en ngima ma nyaka chieng’.

Jo-Rumi 8:9

Ka Roho mar Nyasaye odak e iu, to ok unyal timo gik ma ngima mar dhano dwaro, to utimo mana gik ma Roho dwaro, kendo ka ng’ato onge gi Roho mar Kristo, to ok en ng’ate.

1 Jo-Korintho 1:3

Ng’wono gi kue moa kuom Nyasaye Wuonwa kod Ruoth Yesu Kristo obed kodu.

1 Jo-Korintho 10:31

To adwoko penjono ni, ka uchiemo kata umetho kata utimo gimoro amora, to timuru kamano mana ni mondo omi Nyasaye duong’.

1 Jo-Korintho 16:22

Ka ng’ato ok ohero Ruoth, to mondo okuong’re! Ruodhwa bi!

1 Jo-Korintho 6:19

Koso ok ung’eyo ni ringreu en Hekalu mar Roho Maler modak e iu, mane Nyasaye omiyou? Un ok un mau uwegi, to un mag Nyasaye.

2 Jo-Korintho 1:9

Chutho, ne wagalo ni oseng’adnwa buch tho. To mano notimore mondo kik wagen kuomwa wawegi, to wagen mana kuom Nyasaye machiero joma otho.

2 Jo-Korintho 5:14

nimar hera mar Kristo oloyowa chuth. Waseng’eyo malong’o ni ng’at achiel notho ni ji duto, omiyo ji duto bende ne otho.

2 Jo-Korintho 5:19

kwanyisogi ni Nyasaye nomiyo piny owinjore kode kuom Kristo, ka ok okwan ni ji richogi. Wan ema ne Nyasaye omiyowa wach winjruokni.

Jo-Efeso 6:24

Ng’wono obed kod ji duto mohero Ruodhwa Yesu Kristo gi hera ma ok rum.

2 Timotheo 1:12

Mano ema omiyo aneno masira kama, to wiya ok nyal kuot, nikech ang’eyo Jal mane ayie kuome, kendo aonge gi kiawa ni gima asemiye, onyalo ritona nyaka chop chieng’ Bura.

Jo-Hibrania 1:6

To bende kane Nyasaye chiegni kelo Wuode makayo e piny, to ne owacho niya, “Malaika duto mag Nyasaye mondo olame.”

2 Petro 1:1

An Simon Petro, ma misumba Yesu Kristo kendo jaotene, ema andikonu baruani, un joma osenwang’o yie ma nengone tek marom gi yiewa, nimar Nyasachwa kendo Jawarwa Yesu Kristo ema ne omiyowago kuom adierane.

2 Petro 3:18

To donguru kuom ng’wono, kumedo ng’eyo Ruodhwa kendo Jawarwa Yesu Kristo. Duong’ obedne kawuono kendo nyaka chieng’. Amin.

1 Johana 2:23

Ng’at modagi Wuowi ok nigi Wuoro bende, to ng’at moyie Wuowi ema nigi Wuoro bende.

2 Johana 1:9

Ng’at makalo tong’, kendo ok sik e puonj Kristo ok nigi Nyasaye. To ng’at mosiko e puonj Kristo nigi Wuoro, kaachiel gi Wuowi.