Johana 4:48 - MUMA MALER 2015

⁴⁸ Yesu nowachone niya, “Un, ka ok uneno ranyisi gi honni, to ok unyal bedo gi yie.”

Motingʼo Loko Manyien

⁴⁸ Yesu nowachone niya, “Angʼeyo ni ka ok uneno honni gi ranyisi, to ok ubi yie.”

Johana 4:48 ပူးပေါင်းရင်းမြစ်များ

Daniel 4:2

Koro adwaro nyisou ranyisi gi honni ma Nyasaye maduong’ moloyo osetimona.

Daniel 6:27

En ema owaro ji kendo oreso, kendo en ema otimo honni e polo gi piny. Ne oreso Daniel e dho sibuoche.”

Kwan 14:11

Ruoth Nyasaye nowacho ni Musa niya, “Jogi biro chaya kamano nyaka karang’o? Pod gibiro tamore gena marom nadi, to eka asetimonigi ranyisi mang’eny?

Mathayo 16:1

Jo-Farisai gi Jo-Sadukai nobiro ir Yesu mondo oteme. Omiyo ne giwachone mondo otimnigi hono moro moa e polo manyiso ni Nyasaye ni kode.

Mathayo 24:24

nikech Mesia mag miriambo kod jonabi ma ok madier notuchi. Ginitim ranyisi madongo kod honni, mondo kanyalore to giwuondgo kata mana joma Nyasaye oyiero.

Mathayo 27:42

“Noreso jomoko, to en koro dak oresre? Donge en ruodh Israel? Koro mondo olor ane oa e msalaba, eka wayie kuome.

Mariko 13:22

nikech Mesia mag miriambo kod jonabi ma ok madier notuchi. Ginitim ranyisi kod honni, mondo kanyalore to giwuondgo kata mana joma Nyasaye oyiero.

Luka 10:18

Yesu nowachonigi ni, “Ne aneno ka Satan lwar a e polo, mana ka mil polo!

Luka 16:31

Ibrahim to nokone niya, ‘Ka ok ginyal winjo weche Musa kod Jonabi, to ok giniwinj kata mana ng’at mochier oa kuom joma otho!’ ”

Johana 12:37

To kata obedo ni nosetimonigi honni mang’eny kamano, to ne ok giyie kuome.

Johana 15:24

Ka dine ok atimonigi honni ma ng’ato pok otimo, to da ok gibedo joketho. To giseneno gik matimo, to pod gimon amona koda kaachiel gi Wuora bende.

Johana 2:18

Jodong jo-Yahudi nopenjo Yesu ni, “Ere gima nyalo nyisowa ni in gi teko mar timo gima isetimono?”

Johana 20:29

Eka Yesu nowachone ni, “In iyie nikech isenena. Joma ok onena, to oyie, gin johawi!”

Johana 4:49

To jaduong’no nowachone niya, “Jaduong’, yie ibi kapok nyathina otho.”

Tich Joote 14:3

Paulo gi Barnaba nobet kuno kuom ndalo mathoth ka giwuoyo gi chir kuom Ruoth, kendo Ruoth nomiyogi teko mar timo honni kod ranyisi, konyisogo ni wach mane giwacho kuom ng’wonone en adier.

Tich Joote 15:12

Wechego nomiyo ji duto oling’, mochiko itgi ka Barnaba gi Paulo hulo ranyisi gi honni mane Nyasaye osemiyo gitimo ni joma ok jo-Yahudi.

Tich Joote 2:19

Anatim honni e polo malo, kendo naket ranyisi e piny mwalo, kaka remo gi mach kod iro madhuolore.

Tich Joote 2:22

“Un jo-Israel, winjuru gima awachonu. Yesu ja-Nazareth ne ng’at mane Nyasaye onyisou ni oyiego, komiyo otimonu honni gi timbe malich miwuoro kod ranyisi, kaka un uwegi ung’eyo, nikech gigo notimore e dieru.

Tich Joote 2:43

Nyasaye nomiyo joote otimo honni kod ranyisi mang’eny, kendo mano nomiyo luoro omako ji duto.

Tich Joote 4:30

Rie badi mondo ichang ji, kendo imi ranyisi gi honni otimre e nying Yesu Jatichni Maler.”

Tich Joote 5:12

Joote notimo honni kod ranyisi mang’eny, kendo joma oyie duto ne chokore gi chuny achiel e Agoch Solomon.

Tich Joote 6:8

Stefano ne ng’at ma Nyasaye oguedho ahinya, kendo omiyo teko. Ne otimo honni gi ranyisi madongo.

Tich Joote 7:36

Musa nogono ema nogolo jo-Israel e piny Misri, kotimo honni gi ranyisi kuno, kendo e Nam Makwar, kendo komedo timogi e thim kuom higni piero ang’wen.

Jo-Rumi 15:19

Notimonigi gi weche kod timbe, kendo gi teko manenore kuom ranyisi gi honni, ma en teko mar Roho. Kamano asetieko lando Wach Maber mar Kristo koni gi koni, chakre Jerusalem nyaka Iliriko.

1 Jo-Korintho 1:22

Jo-Yahudi to dwaro neno honni kaka ranyisi, kendo jo-Grik manyo rieko.

2 Jo-Korintho 12:12

Ne anyisou ni an jaote maradier katimonu ranyisi gi honni kod tije madongodongo, ka adhil gi chandruok kod masiche.

2 Jo-Thesalonika 2:9

Biro mar Ng’at Mochayo Chikno nobed tich Satan. Notim honni duto gi ranyisi mag miriambo,

Jo-Hibrania 2:4

Nyasaye owuon bende nonyiso ni en adier, kuom timo ranyisi gi honni kod tije madongo mopogore opogore, kendo kuom pogonwa mich mag Roho kaka en owuon odwaro.