Johana 4:32 - MUMA MALER 2015

³² To ne odwokogi ni, “An gi chiemo ma un ok ung’eyo.”

Motingʼo Loko Manyien

³² To nowachonegi niya, “An gi chiemo ma achamo ma ukia gimoro amora kuome.”

Johana 4:32 ပူးပေါင်းရင်းမြစ်များ

Ayub 23:12

Pile atimo mana gima Nyasaye ochiko. Adier, aluwo mana dwarone, to ok gik ma an ema adwaro.

Zaburi 119:103

Mano kaka chikeni mit. Adier, gimit moloyo mor kich!

Zaburi 25:14

Ruoth Nyasaye en osiep joma oluore, kendo opuonjogi tiend singruokne.

Zaburi 63:5

Chunya nobed mamor mana ka ng’ama ochamo ondhudho kod mo, moyieng’, kendo napaki ka awer gi mor.

Ngeche 14:10

Chuny ng’ato ema ong’eyo gima litne, kata mor ma en go. Ng’at machielo to ok nyal ng’eyo.

Ngeche 18:20

Weche duto mawuok e dho ng’ato duogo e wiye owuon.

Isaya 53:11

Bang’ chandruokne duto enone ler, kendo enong’e malong’o ni osetimo gima kare. Kaka jatichna en ng’at makare, omiyo en bende enomi ji mang’eny bedo joma kare, koting’o richogi.

Jeremia 15:16

Ne iwuoyo koda, mi awinjo wecheni duto. A Ruoth Nyasaye Manyalo Gik Moko Duto, an ng’ati, omiyo wecheni opong’o chunya gi mor kod ilo.

Johana 4:31

E sa mane dhakono odhi omoe joma chwogo, jopuonjre Yesu ne sayo Yesu ni, “Japuonj, chamie gimoro.”

Johana 4:33

Omiyo jopuonjre nochako penjore kendgi ni, “Ng’ato osekelone chiemo koso?”

Johana 4:34

Yesu nowachonigi ni, “Chiemba en timo gima Jal mane oora dwaro, kendo tieko tich mane omiya.

Tich Joote 20:35

Ne atimo kamano mondo anyisugo ni mano e kaka nyaka wati matek mondo wakonygo joma oyomno, kwaparo wach mane Ruoth Yesu owuon owacho ni, ‘Chiwo kelo gueth moloyo kawo.’ ”

Fweny 2:17

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to anami chiemo moko mopandi miluongo ni Manna, kendo anamiye kidi marachar mondikie nying manyien, maonge ng’at mong’eyo, mak mana jal monwang’e.