Johana 4:23 - MUMA MALER 2015

²³ To ndalo biro, kendo ose mana chopo, ma jolemo maradier biro lamoe Wuoro e yo ma Roho dwaro, kendo gi adiera, nikech joma kamago ema Ruoth Nyasaye dwaro mondo obed joma lame.

Motingʼo Loko Manyien

²³ Kata kamano kinde biro, kendo osechopo, ma joma lemo gadier nolam Wuoro e yo ma Roho dwaro kendo gadiera, joma lamo kamano ema Wuoro dwaro.

Johana 4:23 ပူးပေါင်းရင်းမြစ်များ

1 Weche mag Ndalo 29:17

A Nyasaye, ang’eyo ni inono chuny dhano, kendo adiera ema ihero. Asemiyi chiwogi duto gi mor kendo gi chuny makare, to koro amedo bedo gi ilo kaneno jogigi, bende ka goloni chiwo gi mor.

Zaburi 147:11

to obedo mamor mana gi joma oluore, kendo man gi geno kuom herane mosiko.

Zaburi 17:1

A Ruoth Nyasaye, winj kwayona makare, kendo chik iti ni ywakna. Yie iwinj lemona, nimar aonge gi miganga.

Zaburi 32:2

Adier, ng’at ma Ruoth Nyasaye koro ok kwan ka jaricho kendo ma onge miganga e chunye en jahawi.

Zaburi 51:6

To chuny man gi adiera ema idwaro, omiyo pong’ parona gi riekoni.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Wer Mamit 2:14

Ilalna mana ka winyo ma ode ni kama orokore e kor got mabor. We aneye wang’i, kendo awinjie dwondi, nikech ijaber, kendo dwondi mit.’

Isaya 10:20

Chieng’no jo-Israel ma nyikwa Jakobo manok modong’ nowe keto genogi kuom ng’at mane dwaro tiekogi, to ginigen gi chunygi duto mana kuom Ruoth Nyasaye ma en Ng’ama Ler mar Israel.

Isaya 29:13

Bang’ mano, Ruoth Nyasaye nowacho niya, “Jogi lama mana gi dhogi kende, kendo gimiya luor mana gi dhogi ma oko, to chunygi bor koda, kendo luor ma giluorago en mana chik mar dhano, momak gi wich.

Isaya 43:21

Gin ji mane atimo ogandana awuon, mondo oland weche ma miya duong’.

Isaya 58:2

Kata obedo ni gin joricho kamano, to pod gidwara pilepile, kendo gihero ng’eyo yorena, mana ka oganda ma timo gik makare, kendo ma ok oweyo chik Nyasaye. Gikwaya mondo amigi chike makare, kendo giwacho ni gimor ka gisudo machiegni koda.

Jeremia 3:10

To kata bang’ mago duto jo-Juda ma andhoke ma owete jo-Israel nowuondore ni duogo ira, to ok ne gidwogo gi chunygi duto.”

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Ezekiel 22:30

“Asebet karango mondo ayud ng’at manyalo gero ohinga, kendo ma dichung’ kuonde ma ohinga omukoree, mondo okony piny, kik akethi gi mirimba, to ne ok anyal yudo ng’at makamano.

Johana 1:17

nikech kata obedo ni Musa ema nokelonwa Chik, to Yesu Kristo ema nokelonwa ng’wono gi adiera.

Johana 12:23

To Yesu nodwokogi niya, “Sa koro osechopo ma Wuod Dhano yudoe duong’ne maler.

Johana 16:2

Ji biro riembou e ut lemo. Adier, ndalo biro ma ka ng’ato onegou, to nopar mana ni otimo gima Nyasaye morgo.

Johana 16:32

To winjuru! Ndalo biro, kendo ose mana chopo, ma nokeue, mi ng’ato ka ng’ato dhi e dalane owuon, mi uweya kenda. To chutho ok an kenda, nikech Wuora ni koda.

Johana 4:21

Yesu nodwoke ni, “Nyarwa, ng’eni ndalo biro ma ji ok nolam Wuoro e godni, kata e Jerusalem.

Johana 5:25

“Adier, adier, awachonu ni, kinde biro ma joma otho nowinjie duond Wuod Nyasaye, kendo ji duto ma owinjo dwolno nodok mangima. Adier, kindeno ose mana chopo.

Johana 5:28

Wachno kik bwogu nikech ndalo biro ma kata mana joma otho manie bur nowinj dwonde,

Jo-Rumi 1:9

To Nyasaye ma atiyone gi chunya duto ka alando Wach Maber man kuom Wuode, ong’eyo kaka aparou e lemona kinde duto.

Jo-Rumi 8:15

To Roho ma useyudo ok loku wasumbini mondo uchak ubed maluor. Ooyo, Rohono lokowa nyithind Nyasaye, omiyo ng’ato ka ng’ato kuomwa ywak ni Nyasaye, ka luonge ni, “Baba! Wuora!”

Jo-Rumi 8:26

Mano e kaka Roho bende konyowa e nyawowa, nikech ok wang’eyo kaka owinjore walem. To Roho owuon kwayonwa Nyasaye, kachur gi chur ma weche dhano ok nyal wacho,

Jo-Galatia 4:6

To Nyasaye ne dwaro nyisou ni un yawuote, omiyo nooro Roho mar Wuode e chunywa. En Roho maywak ni, “Baba! Wuora!”

Jo-Efeso 6:18

Keturu chunyu pile kuom lemo, kukwayo Nyasaye mondo okonyu, kulemo kuom Roho kinde duto. Ritreuru kuom wachni odiechieng’ gotieno, kendo timuru kinda kukwayo ni jo-Nyasaye duto.

Jo-Filipi 3:3

To wan ma Roho Maler ema otelonwa kuom lamo Nyasaye, wan e joma oter nyangu adier, kendo sungawa ni kuom Kristo Yesu. To ok waketo genowa kuom tim ringruok.

Joshua 24:14

“Kuom mano, lamuru Ruoth Nyasaye, kendo tineuru gi chuny modimbore. Wituru nyiseche mane kwereu lamo kane gidak loka aora Yufrate, kendo e piny Misri, to lamuru mana Ruoth Nyasaye.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Samuel 12:24

Mak mana ni, luoruru Ruoth Nyasaye, kutiyone gi adiera kod chunyu duto, kendo paruru gik madongo mosetimonu.