Johana 3:8 - MUMA MALER 2015

⁸ Yamo kudho kuma ohero, kendo iwinjo dwonde, to ikia kuma oaye, kata kuma odhiye. Gima kamano bende ema timore ni ji duto ma Roho onywolo.”

Motingʼo Loko Manyien

⁸ Yamo futo kochomo kuma ohero, kendo inyalo winje, to ok inyal nyiso kuma oaye kata kuma odhiye. Mano bende e gima timore ni ngʼato ka ngʼato monywol kuom Roho.”

Johana 3:8 ပူးပေါင်းရင်းမြစ်များ

Zaburi 107:25

Ne ogolo chik, ahiti maduong’ ochako kudho motago nam.

Zaburi 107:29

Ne okueyo ahiti, mi apaka oling’,

Zaburi 135:7

Okelo boche polo morweyo kaa e tung’ piny gi tung’ piny, kendo omiyo polo mil e sa ma koth chue.

Eklesiastes 1:6

Yamo bende kudho kochomo yo milambo, kendo okudho kochomo yo nyandwat. Olworore alwora nyaka odog kuma nochakoree.

Ezekiel 37:9

Eka Ruoth Nyasaye nowachona niya, “Wuod dhano, kor wach ni yamo, kinyise ni Ruoth Nyasaye ochike mondo oa e tunge ang’wen mag piny, kokudho kuom joma othogi, mondo gichak gibed mangima.”

Johana 1:13

Ne onywolgi kuom Nyasaye, to ok kuom anywola, kata kuom gombo mar ringruok, kata kuom dwaro mar dhano.

Johana 3:7

Omiyo kik ibwogi ka awachoni ni nyaka nywolu nywol manyien.

Johana 3:9

Nikodemo nopenje ni, “Ere kaka gik ma kamago nyalo timore?”

Tich Joote 2:2

Ne gipo ka giwinjo koko moa e polo ma mor ka yamo ma kudho matek, mi kokono nopong’o ot duto mane gibetie.

Tich Joote 4:31

Kane gisetieko lemo, ot mane oyudo gichokoree noyiengni, kendo Roho Maler nopong’ogi giduto, mi gichako lando Wach Nyasaye gi chir.

1 Jo-Korintho 12:11

To mago duto gin mana tich mar Roho achiel. Opogo michgo ni ng’ato ka ng’ato kaka ohero.

1 Jo-Korintho 2:11

Onge ng’ato manyalo ng’eyo paro manie chuny ng’ato machielo, to mak mana chuny ng’ato ema ong’eyo parone owuon. Kamano bende e kaka Roho mar Nyasaye kende ema ong’eyo paro mar Nyasaye.

1 Johana 2:29

Ka ung’eyo ni en ng’at makare, to nyaka ung’e bende ni ng’ato ka ng’ato matimo gik makare en nyathi Nyasaye.