Johana 3:33 - MUMA MALER 2015

³³ To ka ng’ato oyie ni gima Jalo wacho en adier, to obiro ng’eyo malong’o ni Nyasaye en jaadiera.

Motingʼo Loko Manyien

³³ Ngʼat moyie ni wechene gin adier, biro ngʼeyo malongʼo ni Nyasaye en ja-adiera.

Johana 3:33 ပူးပေါင်းရင်းမြစ်များ

Jo-Hibrania 6:17

Mano emomiyo Nyasaye ne oguro singruokne kokonyore gi kuong’ruok, nikech ne odwaro ni mondo jogo mane onego oyud gik mane osingorenigi ong’e malong’o ni gima ochano timo ok nyal lokore.

Jo-Efeso 1:13

Kamano e kaka un joma ok jo-Yahudi bende ne uwinjo wach mar adiera, ma en Wach Maber mane okelonu warruok, mi uyie kuom Kristo, kendo Nyasaye nomiyou Roho Maler mane osingore ni nomiu, kaka ranyisi ni un joge.

2 Jo-Korintho 1:22

kendo oketo kido mare kuomwa, kendo omiyowa Roho mondo odag e chunywa kaka mich mokwongo mar gueth ma wabiro yudo achien.

2 Jo-Korintho 1:18

Chutho, kaka Nyasaye en jaadiera, wach ma wawacho ok oting’o “Ee” kaachiel gi “Ooyo”,

Johana 6:27

Kik uti ni chiemo makethore, to tiuru mana ni chiemo mosiko, kendo makelo ngima ma nyaka chieng’. Wuod Dhano ema nomiu chiemono, nikech en ema Nyasaye Wuoro oseketo kido mare kuome, manyiso ni oyie kode.”

Johana 8:26

Nitie gik mang’eny ma adwaro wacho kuomu, kendo ma adwaro ng’adonugo bura. Jal mane oora en jaadiera kendo wach ma ayudo kuome ema anyiso piny.”

Jo-Rumi 4:11

To achien ne otere nyangu kaka ranyisi ni Nyasaye ne okwane ni en ng’at makare nikech yie mane en-go kane pok otere nyangu. Kuom mano, Ibrahim e wuon ji duto moyie kuom Nyasaye, kendo ma Nyasaye kwano ni joma kare, kata obedo ni ok otergi nyangu.

Jo-Rumi 15:28

Ka asetieko tijni, kendo amiyogi pesa duto ma osechoknigi, eka anabi iru ka adhi Spania.

1 Jo-Korintho 9:2

Kata ka jomoko ok kwana ka jaote, un to ung’eyo malong’o ni an jaote adier, nikech un e ranyisi mar otena kuom Ruoth.

Jo-Efeso 4:30

Kik umi Roho Maler mar Nyasaye chuny lit, nikech Roho e kido ma Nyasaye oketonu, kaka ranyisi ni noresu chieng’ resruok.

2 Timotheo 2:19

To Nyasaye oseketo mise motegno mochung’ kogurore, kendo ondikie niya, “Ng’ato ka ng’ato mahulo nying Ruoth nyaka pogre gi richo.”

1 Johana 1:10

To ka wawacho ni ok wasetimo richo, to wamiyo odoko jamriambo, kendo wachne onge e chunywa.