Johana 3:2 - MUMA MALER 2015

² nodhi ir Yesu gotieno, mowachone niya, “Rabi, wang’eyo ni in japuonj moa ka Nyasaye, nikech onge ng’at manyalo timo honni mitimogi, mak mana ka Nyasaye ni kode.”

Motingʼo Loko Manyien

² Nikodemo nobiro ir Yesu gotieno mowachone niya, “Rabi, wangʼeyo ni in japuonj moa ka Nyasaye, nimar onge ngʼama nyalo timo ranyisi mag honni mitimogi ka Nyasaye ok ni kode.”

Johana 3:2 ပူးပေါင်းရင်းမြစ်များ

1 Ruodhi 17:24

Dhakono nowacho ni Elija niya, “Kawuono eka ang’eyo ni in ng’at Nyasaye, kendo wach Ruoth Nyasaye mawuok e dhogi en adier.”

Isaya 51:7

Winjuru, un joma ong’eyo tim makare kaka obet, kendo ma keto chunygi kuom chikna. Kik uluor achaya mag ji, kendo ayany ma giyanyougo kik gou kibaji,

Jeremia 38:16

Kane ruoth Zedekia owinjo kamano, nosingore ni Jeremia ling’ling’ niya, “Akuong’ora gi nying Ruoth Nyasaye mangima mane ochueyowa ni ok nanegi, kendo ok nachiwi e lwet joma dwaro negi.”

Mathayo 22:16

Eka ne gioro jopuonjre maggi kod jo-Herode ire, mi jogo nodhi openje niya, “Japuonj, wang’eyo ni in jaadiera, kendo ipuonjo yor Nyasaye gi adiera, ma ok iluoro wang’ ng’ato, bed ni en ng’ama nadi.

Mathayo 23:7

Bende gihero mondo ji omosgi ka miyogi duong’, kuonde ma ji ochokoree, kendo gihero mondo ji oluonggi ni jopuonj.

Mathayo 23:8

To un kik luongu ni jopuonj, nikech ng’at achiel kende e japuonj, to un duto un owete.

Mariko 12:14

Kane jogo odhi ire, ne giwachone niya, “Japuonj, wang’eyo ni in jaadiera, kendo ok iluoro wang’ ng’ato, bed ni en ng’ama nadi, to ipuonjo yor Nyasaye gi adiera. To koro nyiswa ane ka Chikwa oyie mondo wagol osuru ni Kaisar. Onego wagol koso ok onego wagol?”

Johana 1:38

Kane Yesu olokore, moneno ka giluwe kamano, nopenjogi niya, “Ere gima udwaro?” To ne gidwoke ka gipenje ni, “Rabi, idak kanye?” (Rabi en dho Hibrania, ma tiende ni japuonj.)

Johana 10:38

To ka atiyo tichne, to kata ka ok unyal yie koda, to onego uyie gi tich matiyo, mondo ung’e chutho ni an ei Wuora kendo Wuora ni eiya.”

Johana 12:37

To kata obedo ni nosetimonigi honni mang’eny kamano, to ne ok giyie kuome.

Johana 14:10

Donge uyie ni an ei Wuora, kendo Wuora ni e iya? Gik ma awachonu ok awach mana gi tekona awuon, to Wuora modak e iya ema tiyo tijene.

Johana 15:24

Ka dine ok atimonigi honni ma ng’ato pok otimo, to da ok gibedo joketho. To giseneno gik matimo, to pod gimon amona koda kaachiel gi Wuora bende.

Johana 2:11

Yesu notimo hono Kana e piny Galili. En e ranyisi mane okwongo timo. Kamano nonyiso duong’ne maler, mi jopuonjrene noyie kuome.

Johana 20:16

Yesu noluonge ni, “Maria!” Eka Maria nowichore, mowachone gi dho Hibrania ni, “Raboni!” tiende ni, “Japuonj”.

Johana 3:26

Kuom mano, ne gidhi ir Johana, mi giwachone ni, “Japuonj! Ng’at mane ni kodi loka aora Jordan, kendo mane iwuoyo kuome cha, koro batiso ji, kendo ji duto dhi ire.”

Johana 4:31

E sa mane dhakono odhi omoe joma chwogo, jopuonjre Yesu ne sayo Yesu ni, “Japuonj, chamie gimoro.”

Johana 5:36

Adier, Johana nowuoyo kuoma kanyiso ni Wuora noora, to koro tich ma atiyo, mane Wuoro omiya mondo ati, nyiso malong’o ni Wuoro noora, moloyo kaka ne Johana onyiso.

Johana 6:2

Oganda maduong’ noluwe, nikech ne gineno honni mane otimo kochango joma tuo.

Johana 7:31

To ji mang’eny noyie kuome, kapenjore ni, “Ka Mesia obiro, dotim honni mang’eny moloyo ma jali timo koso?”

Johana 9:16

Jo-Farisai moko nowacho ni, “Ng’at mane otimo kamano ok nyal bet ng’at Nyasaye, nikech ok orito Chik Sabato.” To moko nowacho ni, “Bende ng’at ma jaricho ditim honni ma kamagi adier?” Kamano ne gipogore kuom wachno chutho.

Tich Joote 10:38

Ung’eyo kaka Nyasaye noyiero Yesu ja-Nazareth, komiye Roho Maler, kendo omiye teko. Ne odhi kuonde duto, kotimo timbe mabeyo, kendo ochango ji duto mane Satan sando, nikech Nyasaye ne ni kode.

Tich Joote 2:22

“Un jo-Israel, winjuru gima awachonu. Yesu ja-Nazareth ne ng’at mane Nyasaye onyisou ni oyiego, komiyo otimonu honni gi timbe malich miwuoro kod ranyisi, kaka un uwegi ung’eyo, nikech gigo notimore e dieru.

Jo-Filipi 1:14

Bende bedona e tuech kamano osemiyo owete mang’eny omedo bedo gi yie motegno kuom Ruoth, omiyo koro gilando wach gi chir, maonge luoro.

Jong’ad Bura 6:27

Omiyo Gideon nokawo jotichne apar, mokonye timo gima ne Ruoth Nyasaye ochike. To ne ok ohedhore timo kamano godiechieng’, nikech noluoro joodgi kod jodalagi, omiyo notime mana gotieno.