Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Johana 3:16 - MUMA MALER 2015

16 Nyasaye nohero piny ahinya kama, omiyo nochiwo Wuode ma miderma mondo ng’ama oyie kuome kik lal, to obed gi ngima ma nyaka chieng’.

အခန်းကိုကြည့်ပါ။ ကော်ပီ

Motingʼo Loko Manyien

16 “Nikech Nyasaye nohero piny ahinya, omiyo nochiwo Wuode ma miderma, mondo ngʼato angʼata moyie kuome kik lal, to obed gi ngima mochwere.

အခန်းကိုကြည့်ပါ။ ကော်ပီ




Johana 3:16
28 ပူးပေါင်းရင်းမြစ်များ  

Eka malaikano nokwere ni, “Kik ineg wuodi, kata kik itimne gimoro marach, nikech koro ang’eyo ni in ng’at moluoro Nyasaye, nimar ok isetama e wuodi ma miderma.”


Eka Nyasaye nowachone niya, “Kaw Isaka, wuodi ma miderma kendo mihero, mondo udhigo e piny Moria. Kuchopo kuno to chiwe ka misango e wi got moro ma abiro nyisi.”


nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.


Dhiuru mondo upuonjru tiend gima muma wacho ni, ‘Ok adwar mondo ji otimna misango, to adwaro mana ni mondo gibed mang’won.’ Ne ok abiro mondo aluong joma kare, to abiro mana ni mondo aluong joricho.”


Ng’at achiel ma koro wuon puodho ne pod odong’go monyalo oro, ne mana wuode owuon. Kuom mano e gikone nooro wuodeno ir jopurgo, koparo niya, ‘Wuoda to ang’eyo ni gibiro miyo luor.’


“Duong’ obed ni Nyasaye e polo malo, kendo kue obedi e piny, ni joma Nyasaye oyiero!”


Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.


Onge ng’ama oseneno Nyasaye, to Wuowi ma miderma, machiegni gi Wuoro moloyo, ema osemiyo wang’eye.


Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!


Amiyogi ngima ma nyaka chieng’, kendo ok ginilal ngang’, bende onge ng’at manyalo gologi e lweta.


mondo ng’ama oyie kuome to oyud ngima ma nyaka chieng’ kuome.


Ng’ama oyie kuom Wuowi onge gi bura, to ng’ama ok oyie kuome to bura oseloyo nikech ok oyie kuom Wuowi ma miderma mar Nyasaye.


Ng’at moyie kuom Wuowi nigi ngima ma nyaka chieng’. To ng’at ma ok owinjo Wuowi ok none ngimano ngang’, to mirimb Nyasaye osiko kuome.


Adier, Wuora dwaro ni mondo ng’ato ang’ata moneno Wuowi, mi oyie kuome, oyud ngima ma nyaka chieng’; kendo anachiere chieng’ giko piny.”


Kane pod wan wasik Nyasaye, to ne omiyo wasedoko osiepne, kuom tho mar Wuode. To tinde kaka koro wasedoko osiepene, donge ibiro resowa moloyo nikech ngima mar Wuode?


To gima nyisowa ni Nyasaye oherowa gi hera maduong’ en ni Kristo nothonwa kane pod wan joricho.


Nyasaye ne ok otimo migundia kuom Wuode owuon, to ne ochiwe mi otho nikech wan duto. To kane ochiwo Wuode kamano, to ere kaka dotamre miyowa gik moko duto mogundho?


To Nyasaye noherowa ahinya, omiyo nonyisowa kaka ng’wonone ogundho,


Ruodhwa Yesu Kristo owuon, gi Nyasaye Wuonwa moseherowa gi hera maduong’, kendo mosejiwowa gi jip mochwere, kendo mosemiyowa geno maber, kuom ng’wonone,


Kane ng’wono mar Nyasaye Jawarwa kod hera ma oherogo dhano ofwenyore,


To gima waneno, en mana Yesu, mane Nyasaye omiyo obedo matin moloyo malaika kuom kinde manok mondo otho ni ji duto kuom ng’wonone mar Nyasaye. En ema Nyasaye nosesidhone osimbo mar duong’ kod pak, nikech rem mar tho mane oneno.


Mano hera maduong’ manadi ma Wuoro osenyisowa kuom luongowa ni nyithind Nyasaye! Adier, wan nyithinde! Gimomiyo piny ok ong’eyowa en ni, piny kia Nyasaye.


Nyasaye ema noherowa mokwongo, mano emomiyo wahere kaachiel gi ji mamoko bende.


kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ