Johana 3:13 - MUMA MALER 2015

¹³ Onge ng’at mosedhi e polo, mak mana Wuod Dhano, mane olor oa e polo.

Motingʼo Loko Manyien

¹³ Onge ngʼato angʼata mosedhi e polo makmana Jal mane olor oa e polo, ma en Wuod Dhano.

Johana 3:13 ပူးပေါင်းရင်းမြစ်များ

Ngeche 30:4

Ere ng’ama osedhi e polo, kendo oseduogo? Koso en ng’a ma oseboyo pige mag nembe e law? Kata en ng’a moseketo tunge piny kuonde ma gintie? Hulna nyinge kod nying wuode, king’eyo.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Mathayo 8:20

To Yesu nodwoke niya, “Bwe nigi buchegi, kendo winy bende nigi utgi. Wuod Dhano to onge kata gi kama ketie wiye.”

Johana 1:18

Onge ng’ama oseneno Nyasaye, to Wuowi ma miderma, machiegni gi Wuoro moloyo, ema osemiyo wang’eye.

Johana 13:3

Kata obedo ni Yesu nong’eyo ni Wuoro oseketo gik moko duto e lwete, kendo ni ne osea ir Nyasaye, kendo koro odok ire,

Johana 17:5

A Wuora, koro miya duong’ kabedo kama intie. Ee, miya duong’ mane an-go kodi kane piny pok obetie.

Johana 3:12

Ka gik manie piny ka ema anyisou, to ok uyie, koro ere kaka duyie ka anyisou gik polo?

Johana 3:31

Jal moa malo duong’ moloyo ji duto. Ng’at monywol e piny en mar piny, kendo owacho weche mag piny. Jal moa e polo to duong’ moloyo ji duto.

Johana 6:33

nikech kuon ma Nyasaye chiwo en mana jal molor oa e polo, kendo ochiwo ngima ni piny.”

Johana 6:38

nikech ok aselor aa e polo mondo atim gik ma Jal mane oora dwaro.

Johana 6:42

To ne gipenjore ni, “Jali ok e Yesu wuod Josef koso? Donge wang’eyo wuon mare? To ere kaka onyalo wacho ni olor oa e polo?”

Johana 6:46

Ok awach ni nitie ng’at moro moseneno Wuoro, to mak mana Jal mane oa ka Nyasaye kende ema osenene.

Johana 6:51

An e kuon mangima mane olor oa e polo. Ng’at mochamo kuonni nobed mangima nyaka chieng’. To bende kuon ma abiro chiwo mondo piny oyud ngima en ringra.”

Johana 6:62

Ka kamano, to kara dubwogi machal nadi, ka uneno Wuod Dhano kaidho dok malo kama ne oaye?

Johana 8:42

Yesu nowachonigi niya, “Ka dabed ni Nyasaye e wuonu adier, to da uhera, nikech an ne aa ka Nyasaye, kendo koro an kodu ka. Ne ok abiro gi tekona awuon, to En ema noora.

Tich Joote 2:34

“Daudi owuon to ne ok oidho e polo, to nowacho niya, ‘Ruoth Nyasaye nowacho ni Ruodha ni, “Bed e bada korachwich ka,

Tich Joote 20:28

To tang’uru, kendo rituru kueth duto ma Roho Maler osemiyou mondo uriti. Beduru jokwath mag kanyakla mar joma oyie kuom Nyasaye mane ong’iewo gi remb Wuode owuon.

Jo-Rumi 10:6

To kuom wach bedo e winjruok gi Nyasaye kuom yie, to owachoe niya, “Kik ipenjri e chunyi ni, ‘Ng’ano ma didhi malo e polo?’ ” tiende ni, ng’ano ma didhi kwa Kristo obi e piny?

1 Jo-Korintho 15:47

Dhano mokwongo nochue gi lowo mar piny, to dhano mar ariyo noa e polo.

Jo-Efeso 1:23

Kanyakla mar joma oyie kuom Kristo en ringre Kristo, kendo ka ringruok oriwore gi wich, to Jal mamiyo gik moko duto chopo kare, bende chopo kare en owuon!

Rapar mar Chik 30:12

‘Ng’ama didhinwa malo e polo mondo oomnwa chikno, kendo opuonjwa, eka warite?’