Johana 21:3 - MUMA MALER 2015

³ Simon Petro nowachonigi ni, “Adhi lupo.” To ne giwachone niya, “Wan bende wadhi kodi.” Omiyo ne gidhi giwuok, mi gidhi gidonjo e yiegi, to ne ok gimako gimoro otieno duto.

Motingʼo Loko Manyien

³ Simon Petro nowachonegi niya, “Adok lupo” kendo negiwachone niya, “Wan bende wadok kodi.” Omiyo negiwuok gidhi kendo negidonjo ei yie. To otienono duto onge gima negimako.

Johana 21:3 ပူးပေါင်းရင်းမြစ်များ

Luka 5:5

To Simon nodwoke niya, “Ruoth, nende watiyo matek otieno tulu, to ne ok wamako gimoro. To ka in ema iwacho kamano, to abiro chiko tonde.”

Johana 21:4

To kane piny koro yawore, Yesu ne nie dhonam, to jopuonjrene ne ok ong’eye.

Tich Joote 18:3

mi odak kodgi, kendo otiyo kodgi nikech en bende ne en jatwang’ hema mana kaka gin.

Tich Joote 20:34

Un uwegi ung’eyo kaka asetiyo gi luetenagi, mi ayudo gik moko mane achando, kod mago mane joma ni koda ochando.

1 Jo-Korintho 3:7

Kamano ng’at ma opidho yath, kata ng’at moolo pi ok kwan ni osetimo gimoro, to mak mana Nyasaye momiyo yadhno odongo ema otimo gimoro.

1 Jo-Korintho 9:6

Koso wan gi Barnaba kende ema nyaka wati mondo wayud gik ma wakonyorego?

1 Jo-Thesalonika 2:9

Owetewa, parieuru kaka ne watiyo matek kwachandore. Kane walandonu Wach Maber mar Nyasaye to ne watiyo odiechieng’ gotieno ni gik mwachando, mondo kik wami ng’at moro kuomu ting’ mapek.