Johana 21:22 - MUMA MALER 2015

²² Yesu nodwoke ni, “Ka adwaro ni mondo obed mangima nyaka aduogi, to mano obadhie ang’o? In to luwa aluwa.”

Motingʼo Loko Manyien

²² Yesu nodwoke niya, “Ka adwaro ni osik kongima nyaka aduogi, to mano chandi nangʼo? In to luwa!”

Johana 21:22 ပူးပေါင်းရင်းမြစ်များ

Mathayo 16:24

Bang’ mano, Yesu nowacho ni jopuonjrene niya, “Ka ng’ato dwaro luwa, to nyaka okwerre owuon, mi okaw msalape, kendo oluwa,

Mathayo 24:27

nikech kaka mil polo piatore koa yo wuokchieng nyaka yo podho chieng’, e kaka biro mar Wuod dhano bende nochal.

Mathayo 24:3

Kane Yesu obet piny e got Zeituni, jopuonjrene nobiro ire kar kende, mowachone niya, “Nyiswa ane kinde ma gigi duto notimree, kod gima notimre ma nyiso ni kinde mibiro duogoe, kod kinde mar giko piny, osechopo.”

Mathayo 24:44

Mano omiyo un bende beduru kuikoru, nikech Wuod Dhano biro biro e sa ma ok ung’eyo ni onyalo biroe.

Mathayo 25:31

Bang’ mano Yesu nowacho niya, “Ka Wuod Dhano obiro e duong’ne maler, kaachiel gi malaika duto, to nobedi e kom lochne man gi duong’,

Mathayo 8:22

Yesu to ne odwoke ni, “We joma otho oyik jogi motho. In to luwa!”

Mariko 9:1

Nomedo wacho niya, “Adier awachonu ni nitie jomoko kuomu ka, ma ok notho kapok oneno Loch Nyasaye kobiro gi teko.”

Johana 21:19

Nowacho kamano mondo kit tho mane Petro biro miyogo Nyasaye duong’ ong’ere. To kane Yesu osewacho wechego, noko ni Petro ni “Luwa!”

Johana 21:21

Kane Petro oneno kamano, nopenjo Yesu ni, “Ruoth, jali to?”

1 Jo-Korintho 11:26

Kamano e kinde ka kinde ma uchamoe makatino, kendo umetho e kikombeno, to tho Ruoth ema uhulo nyaka chop obi.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

1 Jo-Thesalonika 2:19

Ne wadwaro timo kamano nikech, un e genowa, kendo morwa, kendo osimbowa ma wabiro pakorego e nyim Ruodhwa Yesu kobiro.

Jakobo 5:7

Emomiyo owetewa, horeuru mos nyaka Ruoth bi. Neyeuru kaka japur hore mos ka rito puothe mondo onyagne cham mabeyo. Ohore mos nyaka oyud kodh chuoyo kod koth machiego cham.

Jakobo 5:8

Un bende nyaka uhoru mos, kendo uchiw chunyu, nikech biro mar Ruoth chiegni.

Fweny 1:7

Neuru, obiro gi boche polo, kendo ng’ato ka ng’ato nonene. Jogo mane ochwowe nonene, kendo ogendini duto mag piny nobed gi kuyo nikech en. Ber mondo obed kamano! Amin.

Fweny 2:25

To awachonu mana ni mondo umak gima un go matek nyaka abi.

Fweny 22:20

Jal manyiso wechegi duto wacho niya, “Adier, abiro piyo!” Obed kamano! Bi, Ruoth Yesu!

Fweny 22:7

Yesu owacho ni, “Winji! Abiro piyo” Ng’at momako weche mokor manie kitabuni en jahawi!

Fweny 3:11

Abiro biro piyo, omiyo mak gima in-go matek, mondo kik ng’ato mayi osimboni.