Johana 20:22 - MUMA MALER 2015

²² Kane osewacho kamano, nokudho muche kuomgi, mowachonigi niya, “Nwang’uru Roho Maler.

Motingʼo Loko Manyien

²² Bangʼ wachonegi wechego, nokudho muche kuomgi, kowachonegi niya, “Nwangʼuru Roho Maler.

Johana 20:22 ပူးပေါင်းရင်းမြစ်များ

Chakruok 2:7

Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.

Ayub 33:4

Roho mar Nyasaye ema ne ochueya kendo omiya ngima.

Zaburi 33:6

Ruoth Nyasaye nogolo chik, mi polo olosore, kendo ne owuoyo, mi wang’chieng’ gi due kod sulue obetie.

Ezekiel 37:9

Eka Ruoth Nyasaye nowachona niya, “Wuod dhano, kor wach ni yamo, kinyise ni Ruoth Nyasaye ochike mondo oa e tunge ang’wen mag piny, kokudho kuom joma othogi, mondo gichak gibed mangima.”

Johana 14:16

Anakwa Wuoro, mi nomiu Jakony machielo mondo osik kodu nyaka chieng’.

Johana 15:26

“Abiro oronu Jakony koa kuom Wuoro. En Roho mar adiera moa kuom Wuoro. Ka osebiro to enonyisu wach kuoma.

Johana 16:7

To kata kamano awachonu adier ni ber ka adhi, nikech ka ok adhi, to Jakony ok nobinu. To ka adhi to anaore iru,

Johana 20:21

Yesu nowachonigi kendo niya, “Kue obed kodu! Kaka ne Wuora oora, e kaka an bende koro aorou.”

Johana 20:23

Joma uweyonigi richogi, ema richogi owenigi, to joma ok uweyonigi richogi, to richogi ok owenigi.”

Johana 7:39

To Yesu ne oloso kuom Roho, ma ji duto moyie kuome ne biro yudo. To e kindeno Roho ne pok obiro, nikech Yesu ne pok oyudo duong’ne.

Tich Joote 10:47

“Jogi oseyudo Roho Maler mana kaka ne wayudo! Bende ng’ato nyalo tamogi mondo kik batisgi gi pi adier?”

Tich Joote 19:2

Nopenjogi ni, “Nunwang’o Roho Maler kane udoko joma oyie koso?” To ne gidwoke ni, “Pok wasewinjoe ngang’ ni Roho Maler nitie.”

Tich Joote 2:38

To Petro nowachonigi niya, “Lokreuru, kendo ng’ato ka ng’ato kuomu nyaka batisi e nying Yesu kristo, mondo richou owenu, eka Nyasaye nomiu Roho Maler.

Tich Joote 2:4

Giduto Roho Maler nopong’ogi, mi gichako wuoyo gi dhok mopogore opogore, mana kaka Roho nomiyogi teko mar wuoyo.

Tich Joote 4:8

Eka Petro mane oyudo opong’ gi Roho Maler, nodwokogi niya, “Un jotend oganda kod jodongo winjuru!

Tich Joote 8:15

mi odhi kuno kendo olemonigi mondo ginwang’ Roho Maler,

Jo-Galatia 3:2

Dwokauru ane wach achielni: Uparo ni ne uyudo Roho nikech ne urito Chik, koso nikech ne uyie Wach Maber mane olandnu?