Johana 20:20 - MUMA MALER 2015

²⁰ Kane osemosogi kamano, nonyisogi luetene kod ng’etne, mi ne gidoko mamor kuom neno Ruoth.

Motingʼo Loko Manyien

²⁰ Bangʼ kane osewacho ma, nonyisogi lwetene gi ngʼetne. Jopuonjre ne mor mokalo kane gineno Ruoth.

Johana 20:20 ပူးပေါင်းရင်းမြစ်များ

Mathayo 28:8

Mongo noa e liel piyopiyo, kaluor, to kendo mor ahinya, mi giringo gidhi nyiso jopuonjrene.

Johana 16:20

Adier, adier, awachonu ni, unuywag kendo unuku, to piny nobed abeda mamor. Unuku, to kuyou nolokre mor.

Johana 16:22

Kamano e kaka un bende koro un gi kuyo, to anachak aneu kendo, mi unudok mamor, kendo onge ng’ama nomau mor ma un-gono.

Johana 19:34

To achiel kuom askechego nochwowo ng’etne gi tong’. Mi gikanyono remo kod pi nochwer.

Johana 20:25

Omiyo kane jopuonjre mamoko owachone ni giseneno Ruoth, to nowachonigi ni, “Ka ok aneno luetene kuonde mane musmal ochwowo, mi aketoe lith lweta e ng’etne, to ok anayie ngang’!”

Johana 20:27

Eka nowacho ni Thoma niya, “Kel lith leti ka, ine luetena. Lueti bende kel mondo iso e ng’etna. We bedo ng’at ma ok oyie, to bed ng’at man gi yie!”

1 Johana 1:1

Wandikonu kuom Wach mar ngima, mosebetie a chakruok. Wasewinje kendo wasenene. Adier, wasenene gi wang’wa kendo lweta bende osemule.