Johana 20:19 - MUMA MALER 2015

¹⁹ Chieng’ Jumapilno, kane piny oyuso, jopuonjre ne nie ot, kendo ne gichiego dhoudi nikech ne giluoro jo-Yahudi. Eka Yesu nobiro mochung’ e diergi, kendo omosogi ni, “Okueuru!”

Motingʼo Loko Manyien

¹⁹ Godhiambo mar odiechiengʼ mokwongo mar juma, jopuonjre nochokore kanyakla, kendo ne giloro dhoudi nikech negiluoro jo-Yahudi, Yesu nobiro mochungʼ e diergi kendo nowachonegi niya, “Kwe obed kodu!”

Johana 20:19 ပူးပေါင်းရင်းမြစ်များ

Zaburi 122:8

Awacho e nying owetena gi osiepena niya, “A Jerusalem, kue obed kodi.

Mathayo 10:13

Ka weg odno orwakou, to kue mugwedhogigo mondo osik kanyo. To ka ok girwakou to kue mondo oduognu.

Mathayo 18:20

nimar kama ji adek kata ji ariyo ochokoree e nyinga, to kanyo an bende antie kodgi.

Mariko 16:14

Bang’e mogik, Yesu nofwenyore ni jopuonjrene apar gachiel kane oyudo gichiemo. Noseyogi nikech ne gisedagi yie, kendo nikech chunygi ne tek, ma ok ginyal yie wach joma ne onene kosechier.

Johana 14:27

Kue ema koro aweyonu. Adier, kue mara awuon ema amiyou. En kue ma pinyni ok nyal chiwo. Kik chunyu parre, kendo kik ubed maluor.

Johana 16:22

Kamano e kaka un bende koro un gi kuyo, to anachak aneu kendo, mi unudok mamor, kendo onge ng’ama nomau mor ma un-gono.

Johana 16:33

Asenyisou wechegi duto mondo kubedo kuoma, to uyud kue. Unune malit e piny, to beduru modhil, nimar an aseloyo piny!”

Johana 20:21

Yesu nowachonigi kendo niya, “Kue obed kodu! Kaka ne Wuora oora, e kaka an bende koro aorou.”

Johana 20:26

Bang’ juma achiel, jopuonjre Yesu ne ochako obedo e odno, to koro Thoma bende ne ni kodgi. Kata obedo ni dhoudi nochiegi, to Yesu nobiro, mochung’ e diergi, kendo omosogi ni, “Okueuru!”

Johana 21:1

Bang’ kinde moko, Yesu nochako ofwenyore ni jopuonjre e dho nam Galili, kendo ma e kaka nofwenyorenigi:

Johana 21:14

Mano ne timo fwenyruok Yesu mar adek ni jopuonjrene, kane osechier oa kuom joma otho.

Johana 7:13

To kata kamano onge ng’ama noloso kuome ratiro, nikech ne giluoro jodong jo-Yahudi.

Tich Joote 1:3

Kuom ndalo piero ang’wen bang’ thone, nofwenyorenigi, konyisore malong’o ni ongima. Ne ginene, kendo nonyisogi wach Loch Nyasaye.

Jo-Rumi 15:33

Nyasach kue mondo obed kodu uduto. Amin.

1 Jo-Korintho 15:5

Nofwenyore ni Petro, kendo ni joote apar gariyo.

Jo-Efeso 2:14

Kristo owuon e kue marwa, nikech oseriwo jo-Yahudi gi joma ok jo-Yahudi odoko oganda achiel. Kuom chiwo ringre owuon, osemuko ohinga mar sigu mane opogowa,

Jo-Efeso 6:23

Kue gi hera kod yie moa kuom Nyasaye Wuoro gi Ruoth Yesu Kristo, obed kod owete duto.

Jo-Filipi 1:2

Ng’wono gi kue moa kuom Nyasaye Wuonwa kod Ruoth Yesu Kristo obed kodu.

2 Jo-Thesalonika 3:16

Ruodh kue owuon mondo omiu kue mare pile e yore duto. Ruoth obed kodu uduto.

Jo-Hibrania 7:2

En ema ne Ibrahim omiye achiel kuom apar, mag gik moko duto mane omayo ruodhigo. To tiend nying mar Melkizedek gin ariyo: mokwongo en ni ‘Ruoth Makare’, to bende en ruodh Salem, tiende ni ‘Ruodh Kue’

3 Johana 1:14

To ageno ni abiro neni machiegni mondo walos wang’ gi wang’.

Fweny 1:4

An Johana andiko ni kanyakla abiriyo mag jo-Kristo man e piny Asia, kawacho kama: Beduru gi ng’wono kod kue moa kuom Nyasaye mantie, kendo mane nitie, bende mapod biro biro, kendo moa kuom Roho abiriyo manie nyim kom duong’ne,