Johana 20:17 - MUMA MALER 2015

¹⁷ To Yesu nowachone ni, “We maka, nikech pok aidho adhi ka Wuora, to dhiyo ir owetena, mondo iwachnigi ni, an aidho adhi ka Wuora ma bende Wuonu. Adier, adhi ka Nyasacha ma Nyasachu.”

Motingʼo Loko Manyien

¹⁷ Yesu nowachone niya, “Kik itweri kuoma, nimar pok adok ka Wuora, to dhi ir owetena mondo inyisgi ni, ‘Adok ir Wuora ma en Wuoru un bende, kendo Nyasacha ma en Nyasachu.’ ”

Johana 20:17 ပူးပေါင်းရင်းမြစ်များ

2 Ruodhi 4:29

Elisha nowacho ni Gehazi niya, “Ng’wan lepi, ikaw ludha, kendo ichak wuoth. Kiromo gi ng’ato, to kik imosi, kata ka ng’ato mosi, to kik idwoke, kendo kichopo, to iriw ludha e lela wang’ nyathi.”

2 Ruodhi 7:9

Eka ne giwacho kendgi niya, “Yawa! Ok watim maber. Ma en odiechieng’ mar mor, to waling’ aling’a nadi? Kwagalore kama nyaka piny oru, to wabiro neno masira. Omiyo koro wadhiuru mondo wanyis jood ruoth gima otimore.”

Zaburi 22:22

Anahul nyingi ni owetena. Anapaki gi wer a dier chokruokgi.

Zaburi 43:4

Bang’e anadhi e kendoni mar misango, A Nyasaye. Anapaki gi thum, yaye Nyasaye ma Nyasacha.

Zaburi 48:14

mondo chieng’ moro unyis tieng’ mabiro ni Nyasayeni en Nyasachwa mochwere, kendo obiro telonwa nyaka chieng’.

Zaburi 68:18

Oidho malo, ka otelo ni joma omako e lweny. Bende oseyudo mich, koda ka kuom joma piem kode. Ruoth Nyasaye nodag kanyo nyaka chieng’.

Zaburi 89:26

Enowachna niya, ‘In e wuora kendo Nyasacha. Bende in e lwandana ma ageng’orae.’

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Jeremia 32:38

Eka ginibed joga kendo anabed Nyasachgi.

Ezekiel 36:28

Bang’e unudag e piny mane amiyo kwereu, mi unubed joga, kendo anabed Nyasachu.

Ezekiel 37:27

Anadag kodgi kanyo, mi abed Nyasachgi, kendo gibed joga.

Mathayo 12:50

nimar ng’ato ang’ata matimo gima Wuora mae polo dwaro e owadwa, gi nyamera, kod mama.”

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Mathayo 28:7

eka udhi piyo, uwach ni jopuonjrene ni osechier oa kuom joma otho, kendo otelo nyimgi odhi Galili, kuma gibiro nenee. Koro ero, asewachonu!”

Mariko 12:26

To kuom wach chiero joma otho, pok usomo e kitap Musa wach bungu maliel, kaka Nyasaye nowacho ni Musa ni, ‘An e Nyasach Ibrahim, gi Nyasach Isaka kod Nyasach Jakobo’?

Mariko 16:19

Kane Ruoth Yesu osewuoyo kodgi kamano, ne otere e polo, mi obet e bat korachwich mar Nyasaye.

Luka 10:4

Kik uting’ ofuk pesa, kata sandug wuoth, kata wuoche, kendo kik umos ng’ato e yo kudhi.

Johana 13:1

Koro Sap Pasaka ne chiegni ahinya, kendo Yesu nong’eyo ni kindene osechopo moago e pinyni, odok ir Wuoro. Nosehero joge owuon manie piny, to koro obiro nyiso kaka oherogi chuth nyaka giko.

Johana 13:3

Kata obedo ni Yesu nong’eyo ni Wuoro oseketo gik moko duto e lwete, kendo ni ne osea ir Nyasaye, kendo koro odok ire,

Johana 14:2

E dala Wuora nitie udi mang’eny, to ka da ni ok kamano, to dikoro asenyisou, to adhi mondo alosnu kar dak.

Johana 14:28

Usewinjo ka awachonu ni adhi, to kata kamano abiro duogo iru. Ka da bed ni uhera, to da ubedo mamor ni adhi ir Wuoro, nikech Wuoro nigi duong’ moloya.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 16:28

Adier ne aa ir Wuoro, mi abiro e piny, to koro aa e piny, adok ir Wuoro.”

Johana 17:11

An koro ok anie piny, nimar abiro iri. To gin pod ginie piny. A Wuoro Maler, ritgi gi teko mar nyingi ma isemiya, mondo gibed achiel, mana kaka wan kodi wan achiel.

Johana 17:25

A Wuora makare, kata obedo ni piny ok ong’eyi, an to ang’eyi, kendo jogi bende ong’eyo ni ne iora.

Johana 17:5

A Wuora, koro miya duong’ kabedo kama intie. Ee, miya duong’ mane an-go kodi kane piny pok obetie.

Johana 20:27

Eka nowacho ni Thoma niya, “Kel lith leti ka, ine luetena. Lueti bende kel mondo iso e ng’etna. We bedo ng’at ma ok oyie, to bed ng’at man gi yie!”

Johana 7:33

To Yesu nowacho ni, “Pod abiro medo bet kodu kuom kinde moko, eka bang’e nadog ir Jal mane oora.

Jo-Rumi 8:29

Gin e joma noyiero chon, mi oketo obedo gi kido machal gi kit Wuode, mondo Wuode obed wuowi maduong’ e kind owetene mang’eny.

2 Jo-Korintho 6:18

Kutimo kamano to eka anabed wuonu, kendo unubed yawuota gi nyiga. An Ruoth Nyasaye Manyalo Gik Moko Duto ema awacho kamano.”

Jo-Galatia 3:26

nimar kuom yie uduto un nyithind Nyasaye kuom Yesu Kristo.

Jo-Hibrania 11:16

To koro ne gigombo piny maber moloyo, tiende ni piny polo. Mano emomiyo wi Nyasaye ok kuodi kiluonge ni Nyasachgi, nikech oseikonigi dala.

Jo-Hibrania 8:10

To Ruoth medo wacho niya, ‘Singruok ma anatim gi dhood Israel bang’ ndalogo e ma: Anaket chikena e parogi, kendo anandikgi e chunygi. Anabed Nyasachgi, mi ginibed joga.

1 Petro 1:3

Duong’ obed ni Nyasaye Wuon Ruodhwa Yesu Kristo. Kuom ng’wonone maduong’ nonywolowa gi nywol manyien kuom chiero Yesu oa kuom joma otho. Mano miyo wabedo gi geno mangima.

1 Johana 3:2

Osiepna, kata mana sani wan nyithind Nyasaye, to kaka wabiro bet pok ofwenyore, to wang’eyo ni ka Kristo ofwenyore, to wanabed machal kode, nikech wananene kaka ochal.

Fweny 21:3

Ne awinjo dwol maduong’ moa e kom maduong’ kawacho niya, “Koro Nyasaye osebiro dak gi ji! Obiro dak kodgi kendo ginibed joge. Nyasaye owuon biro bet kodgi, mi obed Nyasachgi.

Fweny 21:7

Ng’at molocho noyud gigo, kendo anabed Nyasache, to enobed wuoda.