Johana 20:16 - MUMA MALER 2015

¹⁶ Yesu noluonge ni, “Maria!” Eka Maria nowichore, mowachone gi dho Hibrania ni, “Raboni!” tiende ni, “Japuonj”.

Motingʼo Loko Manyien

¹⁶ Yesu noluonge niya, “Maria!” Nolokore mi ongʼiye koluonge matek gi dho jo-Hibrania niya, “Raboni!” (tiende ni “Japuonj”).

Johana 20:16 ပူးပေါင်းရင်းမြစ်များ

Chakruok 22:1

Chieng’ moro Nyasaye nomiyo Ibrahim tem. Noluonge niya, “Ibrahim! Ibrahim!” En to nodwoke ni, “Antie.”

Chakruok 22:11

to malaika mar Ruoth Nyasaye noluonge gi e polo niya, “Ibrahim! Ibrahim!” Mi Ibrahim nodwoke ni, “Antie.”

Chakruok 45:12

“Koro unyalo neno uwegi, kaachiel gi Benjamin owadwa, ni adier an e Josef ma wuoyo koduni.

Wuok 3:4

To kane Ruoth Nyasaye oneno kosudo machiegni, noluonge gie chuny bungu niya, “Musa! Musa!” Musa to nodwoke ni, “An ka.”

Wuok 33:17

Mi Ruoth Nyasaye nodwoko Musa niya, “Abiro timo mana kaka isekwayo, nikech amor kodi, kendo ang’eyi maber.”

Wer Mamit 3:4

Piyopiyo nono kane aseweyogi ne ayudo jaherana. Ne akwake matek, ma ok aweyone thuolo, nyaka ne atere e od mama, kama ne onywolae.

Wer Mamit 5:2

Ne oyudo anindo to chunya wuotho. Eka ne awinjo ka jaherana dwong’o dhoot, kawacho niya, “Yawna, chiega ma jaherana, kendo winja majaber. Wiya otimo pi nikech tho omokoe. Adier, yie wiya ng’ich nikech ng’ich mar otieno.”

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Mathayo 14:27

To gikanyono Yesu nowuoyo kodgi, ka wacho niya, “Beduru gi kue! Kik ubed maluor, en mana an!”

Mariko 10:51

Yesu nopenje ni, “Ere gima idwaro mondo atimni?” Nodwoko ni, “Japuonj, adwaro mondo achak anen kendo.”

Luka 10:41

To Ruoth Yesu nodwoke niya, “Maritha, Maritha, iparori kendo ithagori gi weche mang’eny kayiem,

Johana 1:38

Kane Yesu olokore, moneno ka giluwe kamano, nopenjogi niya, “Ere gima udwaro?” To ne gidwoke ka gipenje ni, “Rabi, idak kanye?” (Rabi en dho Hibrania, ma tiende ni japuonj.)

Johana 1:49

Nathaniel nodwoke ni, “Japuonj, in e Wuod Nyasaye! In e Ruodh Israel!”

Johana 10:3

En ema jarit rangach yawone. Rombe bende winjo duonde koluongogi achiel achiel gi nyinggi kogologi oko.

Johana 11:28

Kane Maritha osewacho wechego, nodhi oluongo Maria nyamin mare ling’ling’, mowachone niya, “Japuonj ni ka, kendo oluongi.”

Johana 13:13

Un uluonga ni ‘Japuonj’, kendo ni ‘Ruoth’, to mano uluonga kare, nikech mano e an.

Johana 20:28

To Thoma nodwoke ni, “Ruodha, kendo Nyasacha!”

Johana 3:2

nodhi ir Yesu gotieno, mowachone niya, “Rabi, wang’eyo ni in japuonj moa ka Nyasaye, nikech onge ng’at manyalo timo honni mitimogi, mak mana ka Nyasaye ni kode.”

Johana 5:2

E Jerusalem kuno, e bath rangach miluongo ni Ranga Rombe, ne nitie yawo moro miluongo gi dho Yahudi ni Bethesda. Yawono ne nigi agolni abich.

Johana 6:25

Kane jogo oyudo Yesu loka machielo, ne gipenje niya, “Japuonj, ichopo ka karang’o?”

Tich Joote 10:3

Chieng’ moro kar sa ochiko mar odhiambo, nopo ka malaika mar Nyasaye obirone malong’o e fweny, mi olwonge ni, “Kornelio!”

Tich Joote 9:4

Ne opodho piny, mi owinjo ka dwol moro wachone niya, “Saulo! Saulo! Isanda nang’o?”

1 Samuel 3:10

Eka Ruoth Nyasaye nobiro mochung’ kanyo, kendo oluongo Samuel kaka noseluonge mokwongo niya, “Samuel, Samuel.” Eka Samuel nodwoko ni, “Wachi, jatichni winjo.”

1 Samuel 3:6

Ruoth Nyasaye noluonge kendo niya, “Samuel.” Mi Samuel nochung’, kendo odhi ir Eli, mowachone ni, “Era e, nikech iluonga.” To nodwoke ni, “Ooyo wuoda, ok aluongi. Dog inindi.”